Tag Archives: wayanad

കല്‍പറ്റ: വയനാട്ടിലെ തരിയോട് നിവാസികളുടെ ചിരകാല സ്വപ്നമായപഞ്ചായത്ത് സ്റ്റേഡിയം യാഥാര്‍ഥ്യത്തിലേക്ക്. ഒരു പഞ്ചായത്തില്‍ ഒരു കളിസ്ഥലം പദ്ധതിയിലാണ് സ്റ്റേഡിയം സജ്ജമാക്കുന്നത്. ഇതിന് 44 ലക്ഷം രൂപ ചെലവില്‍ കാവുംമന്ദം ടൗണില്‍നിന്നും 600 മീറ്റര്‍ മാറി കാലിക്കുനി രഘുനാഥന്‍പടി റോഡിനോട് ചേര്‍ന്ന് സ്ഥലം ഏറ്റെടുത്തു. സംസ്ഥാന സര്‍ക്കാര്‍ വിഹിതമായി 50 ലക്ഷം രൂപയും എം.എല്‍.എയുടെ ആസ്തി വികസന ഫണ്ടില്‍നിന്നും 50 ലക്ഷം രൂപയും സ്റ്റേഡിയത്തിന് വകയിരുത്തിയിട്ടുണ്ട്. ദേശീയ ഗ്രാമീണ തൊഴിലുറപ്പ് പദ്ധതി, …

കല്‍പറ്റ: നഗര പരിധിയിലെ ചുഴലിയില്‍ സാമൂഹിക വനവത്കരണ വിഭാഗത്തിനു കീഴിലുള്ള നഴ്സറിയില്‍ കാല്‍ ലക്ഷം വൃക്ഷത്തൈകള്‍ വിതരണത്തിനു തയാറായി. ലോക പരിസ്ഥിതി ദിനാഘോഷത്തിന്റെ ഭാഗമായി നട്ടുവളര്‍ത്തുന്നതിന് ഉത്പാദിപ്പിച്ചതാണ് തൈകള്‍. ഇവയുടെ വിതരണം ജൂണ്‍ ഒന്നിന് ആരംഭിക്കുമെന്ന് സോഷ്യല്‍ ഫോറസ്ട്രി അസിസ്റ്റന്റ് കണ്‍സര്‍വേറ്റര്‍ ഓഫ് ഫോറസ്റ്റ്, എം.ടി.ഹരിലാല്‍, റേഞ്ച് ഫോറസ്റ്റ് ഓഫീസര്‍ പി.സുനില്‍ എന്നിവര്‍ അറിയിച്ചു. നാരകം-1,296, ഞാവല്‍-1,728, പേര-1,008, സീതപ്പഴം-1,449, കണിക്കൊന്ന-960, മണിമരുത്-3,456, എലഞ്ഞി-2,794, കുന്നിവാക-1,349, നീര്‍മരുത്-3,446, പ്ലാവ്-432, താന്നി-816, …

കല്‍പ്പറ്റ: വയനാട്ടിലെ വിനോദസഞ്ചാര കേന്ദ്രങ്ങള്‍ ഇന്ന് തുറന്നുപ്രവര്‍ത്തിക്കുമെന്ന് ജില്ലാ കലക്ടര്‍ ഡി.ആര്‍. മേഘശ്രീ അറിയിച്ചു. ജില്ലയില്‍ ചൊവ്വാഴ്ച റെഡ് അലര്‍ട്ട് പ്രഖ്യാപിച്ച സാഹചര്യത്തില്‍എടക്കല്‍ ഗുഹ, കുറുവ, കാന്തന്‍പാറ, പൂക്കോട്, കര്‍ലാട് വിനോദ സഞ്ചാരന്ദ്രങ്ങളില്‍ നിയന്ത്രണം ഏര്‍പ്പെടുത്തിയിരുന്നു. കേന്ദ്ര കലാവസ്ഥാ നിരീക്ഷണ വകുപ്പ് ജില്ലയില്‍ റെഡ്, ഓറഞ്ച് അലര്‍ട്ട് പ്രഖ്യാപിക്കുന്ന ദിവസങ്ങളില്‍ ടൂറിസം കേന്ദ്രങ്ങളില്‍ സാഹസിക വിനോദങ്ങളും ജലവിനോദങ്ങളും കര്‍ശനമായി നിരോധിക്കുമെന്ന് കലക്ടര്‍ പറഞ്ഞു.

പടിഞ്ഞാറത്തറ(വയനാട്): പന്തിപ്പൊയില്‍ പാലം പുതുക്കിപ്പണിയണമെന്ന മനുഷ്യാവകാശ കമ്മീഷന്‍ ഉത്തരവ് നടപ്പാക്കണമെന്ന് ആവശ്യപ്പെട്ട് പൊതുമാരാത്ത് ഓഫീസിലേക്ക് ഒറ്റയാള്‍ പദയാത്ര. എടവക ദ്വാരക സ്വദേശി കെ.കെ.നാസറാണ് പാലത്തില്‍നിന്നു പടിഞ്ഞാറത്തറ പി.ഡബ്ല്യു.ഡി ഓഫീസിലേക്ക് പദയാത്ര നടത്തിയത്. നാസറിന്റെ പരാതിയിലാണ് പാലം പുതുക്കിപ്പണിയുന്നതിന് 2020 ഡിസംബര്‍ 31ന് മനുഷ്യാവകാശ കമ്മീഷന്‍ ഉത്തരവായത്. പതിറ്റാണ്ടുകള്‍ പഴക്കമുള്ള പാലം അടിവശത്ത് കമ്പികള്‍ ദ്രവിച്ചും മറ്റും സുരക്ഷിതമല്ലാതായ സാഹചര്യത്തിലായിരുന്നു നാസറിന്റെ പരാതി. ഇത് തീര്‍പ്പാക്കിയ കമ്മീഷന്‍ പാലം പുതുക്കിപ്പണിയുന്നതിന് പി.ഡബ്ല്യു.ഡി(ബ്രിഡ്ജസ്)അസി.എക്‌സിക്യുട്ടീവ് …

കല്‍പറ്റ: വയനാട് പുഞ്ചിരിമട്ടം ഉരുള്‍ ദുരന്തബാധിതര്‍ വൈത്തിരി താലൂക്ക് ഓഫീസ് ഉപരോധിച്ചു. താത്കാലികമായി പുനരധിവസിപ്പിച്ച ദുരന്തബാധിതര്‍ക്ക് സര്‍ക്കാര്‍ പ്രഖ്യാപിച്ച വീട്ടുവാടകയും ഉപജീവന ദിനബത്തയും മുടങ്ങിയതില്‍ പ്രതിഷേധിച്ചായിരുന്നു സമരം. ജനശബ്ദം ആക്ഷന്‍ കമ്മിറ്റിയുടെ നേതൃത്വത്തില്‍ നടന്ന ഉപരോധത്തില്‍ സ്ത്രീകളടക്കം നൂറുകണക്കിനു ദുരന്തബാധിതര്‍ പങ്കെടുത്തു. പ്രകടനമായി എത്തിയ ദുരന്തബാധിതരെ താലൂക്ക് ഓഫീസ് പരിസരത്ത് പോലീസ് തടഞ്ഞു. ഇത് നേരിയ സംഘര്‍ഷത്തിനു കാരണമായി. രാവിലെ പത്തരയോടെ തുടങ്ങിയ ഉപരോധം മണിക്കൂറിലേറെ നീണ്ടു. നിവൃത്തിയില്ലാതെയാണ് താലൂക്ക് …

കല്‍പറ്റ: ബംഗളൂരു ഹോപ് സൊസൈറ്റി സാന്ത്വന പരിചരണത്തിലുള്ള രോഗികള്‍, അശരണയായ വിധവകള്‍, ഭിന്നശേഷിക്കാര്‍, പ്രകൃതിദുരന്ത ബാധിതര്‍ എന്നീ വിഭാഗങ്ങളില്‍പ്പെട്ടവര്‍ക്ക് നടപ്പാക്കുന്ന പ്രോജക്ട് ഷെല്‍ട്ടര്‍ പദ്ധതിയില്‍ നിര്‍മിച്ച 17മത് ഭവനത്തിന്റെ കൈമാറ്റം നടത്തി. വയനാട്ടിലെ മുട്ടില്‍ പഞ്ചായത്തില്‍ സാന്ത്വന പരിചരണത്തില്‍ കഴിയുന്ന ഉണ്ണിക്കും ഭാര്യ ലക്ഷ്മിക്കുട്ടിക്കും നിര്‍മിച്ച വീടാണ് കൈമാറിയത്. 550 ചതുരശ്ര അടി വീസ്തീര്‍ണമുള്ള വീട്ടില്‍ രണ്ട് കിടപ്പുമുറിയും അനുബന്ധ സൗകര്യങ്ങളുമുണ്ട്. ടി.സിദ്ദിഖ് എം.എല്‍.എ താക്കോല്‍ദാനം നടത്തി. പ്രോജക്ട് ഷെല്‍ട്ടര്‍ …

വൈത്തിരി: മൈസൂരുവില്‍നിന്നു മലപ്പുറം വേങ്ങൂരിലേക്കു കാറില്‍ മടക്കയാത്രയ്ക്കിടെ വയനാട്ടിലെ ലക്കിടിയിലെത്തിയപ്പോള്‍ ചായകുടിക്കാന്‍ തോന്നിയത് ഒരു കുടുംബത്തിനു രക്ഷയായി. പുറത്തിറങ്ങിയതിനു പിന്നാലെ കുടുംബം സഞ്ചരിച്ച കാര്‍ കത്തിനശിച്ചു. വേങ്ങര സ്വദേശി മന്‍സൂര്‍, ഭാര്യ, മൂന്നു കുട്ടികള്‍ എന്നിവരാണ് കെഎല്‍ 65 ഇ 2500 നമ്പര്‍ നിസാന്‍ ടെറാനോ കാറില്‍ യാത്ര ചെയ്തിരുന്നത്. ശനിയാഴ്ച അര്‍ധരാത്രിയോടെ ലക്കിടിയില്‍ നിര്‍ത്തി കുടുംബം പുറത്തിറങ്ങിയപ്പോഴാണ് കാറില്‍ തീ കണ്ടത്. വൈകാതെ വാഹനം പൂര്‍ണമായും കത്തിനശിച്ചു. അഗ്നി-രക്ഷാസേനയാണ് …

കല്‍പറ്റ: എസ്.എഫ്.ഐ വയനാട് ജില്ലാ പ്രസിഡന്റായി എം.എസ്.ആദര്‍ശിനെയും സെക്രട്ടറിയായി സാന്ദ്ര രവീന്ദ്രനെയും തെരഞ്ഞെടുത്തു. മറ്റുഭാരവാഹികള്‍: അധീന ഫ്രാന്‍സിസ്, സി.ആര്‍.വിഷ്ണു, അക്ഷയ് പ്രകാശ്(വൈസ് പ്രസിഡന്റുമാര്‍),അപര്‍ണ ഗൗരി, കെ.എസ്.മുഹമ്മദ് ഷിയാസ്, ഇ.എ.സായന്ത്(ജോയിന്റ് സെക്രട്ടറിമാര്‍), കെ.പി.അഭിജിത്, മുഹമ്മദ് ഷിബിലി, സച്ചു ഷാജി(സെക്രട്ടേറിയറ്റ് അംഗങ്ങള്‍). സംഘടനയുടെ ജില്ലാ കണ്‍വന്‍ഷനിലായിരുന്നു തെരഞ്ഞെടുപ്പ്. സംസ്ഥാന കമ്മിറ്റി അംഗം അപര്‍ണ ഗൗരി അധ്യക്ഷത വഹിച്ചു. സാന്ദ്ര രവീന്ദ്രന്‍ പ്രവര്‍ത്തന റിപ്പോര്‍ട്ട് അവതരിപ്പിച്ചു. സംസ്ഥാന വൈസ് പ്രസിഡന്റുമാരായ ബിബിന്‍രാജ്, അഡ്വ.പി.അക്ഷര, സെക്രട്ടേറിയറ്റ് …

കല്‍പറ്റ: വയനാടിനെ ഹരിതാഭമാക്കാന്‍ ജൈവവൈവിധ്യ പാര്‍ക്കുകള്‍ നിര്‍മിക്കുന്നു. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാഗമായി 10 ജൈവവൈവിധ്യ പാര്‍ക്കുകളാണ് നിര്‍മിക്കുന്നത്. പ്രകൃതി സംരക്ഷണം മുന്‍നിര്‍ത്തി നൂല്‍പ്പുഴ കലൂര്‍ പുഴയോരം, നേന്‍മേനി താളൂര്‍ ചിറ, മീനങ്ങാടി പുറക്കാടി), പുല്‍പള്ളി മുണ്ടക്കുറ്റിക്കുന്ന്, തിരുനെല്ലി തൃശിലേരി, എടവക വാളോരി, പൊഴുതന ആനോത്ത് , വെങ്ങപ്പള്ളി ഓടമ്പംപൊയില്‍, മേപ്പാടി കശ്മീര്‍, വൈത്തിരി ടൗണ്‍ എന്നിവിടങ്ങളിലാണ് ആദ്യഘട്ടത്തില്‍ പദ്ധതി നടപ്പാക്കുന്നത്. ജില്ലയില്‍ 28 ജൈവവൈവിധ്യ പാര്‍ക്കുകളാണ് …

കല്‍പറ്റ: വയനാട് വന്യജീവി സങ്കേതത്തിലടക്കം നൈസര്‍ഗിക വനത്തിന്റെ നാശത്തിന് കാരണമാകുന്ന അധിനിവേശ ഇനം സസ്യമായ സെന്നയുടെ(മഞ്ഞക്കൊന്ന)നിര്‍മാര്‍ജനത്തിനും കാടിനകത്ത് വയല്‍ പരിചരണത്തിനും വനം-വന്യജീവി സംരക്ഷണ വകുപ്പ് പട്ടികവര്‍ഗ തൊഴിലാളികളെ വ്യാപകമായി ഉപയോഗപ്പെടുത്തും. ചീഫ് വൈല്‍ഡ് ലൈഫ് വാര്‍ഡന്‍ പ്രമോദ് ജി.കൃഷ്ണന്റെ അധ്യക്ഷതയില്‍ ബത്തേരി ഫോറസ്റ്റ് ഐ.ബിയില്‍ ചേര്‍ന്ന യോഗത്തിലാണ് ഇക്കാര്യത്തില്‍ തീരുമാനം. സെന്ന നിര്‍മാര്‍ജനത്തിന് ഉപയോഗപ്പെടുത്തുന്നതിലൂടെ പട്ടികവര്‍ഗക്കാര്‍ക്ക് തൊഴില്‍ നല്‍കും. ജില്ലയിലെ വന്യജീവി പ്രശ്‌നം ലഘൂകരിക്കുന്നതിന് സ്വീകരിച്ച നടപടികള്‍ യോഗം ചര്‍ച്ച …