വിവാഹദിവസം മാത്രം കുളിക്കുന്നവർ

കുളിക്കുന്നത് ജീവിതത്തിൽ ഒരിക്കൽ മാത്രം,ശരീരം ശുചിയാക്കാൻ പുക.ഇങ്ങനെയും ചില സ്ത്രീകൾ ഉണ്ട്. ആഫ്രിക്കയിലെ വടക്കൻ നമീബിയയിൽ പൊതുസമൂഹത്തിൽ നിന്ന് നൂറ്റാണ്ടുകളായി ഒറ്റപ്പെട്ട് ജീവിക്കുന്ന ഹിംബ ഗോത്രവർഗ്ഗക്കാർ.വിചിത്രമായ ഒരു ആചാരമാണ് ഇവിടുത്തെ സ്ത്രീകൾ അവരുടെ ജീവിത കാലത്തിൽ ഒരിക്കൽ, വിവാഹ ദിവസം മാത്രമേ കുളിക്കാറുള്ളൂ എന്നത്. ശുചിത്വത്തെക്കുറിച്ചും സ്വയം വൃത്തിയാക്കുന്നതിനെ കുറിച്ചും തികച്ചും വേറിട്ട കാഴ്ചപ്പാടാണ് ഇവർക്കുള്ളത്. അതുകൊണ്ടുതന്നെ ഏറ്റവും വൃത്തിഹീനരാണ് ഇവർ എന്ന് കരുതേണ്ട. ആഫ്രിക്കയിലെ ഗോത്രവർഗങ്ങൾക്കിടയിൽ ഏറ്റവും സുന്ദരിമാരാണ് ഹിമ്പാ സ്ത്രീകൾ. ശരീരത്തിൽ പുക ഏൽപ്പിച്ചും സ്റ്റീം ബാത്ത് ചെയ്തും ഇവർ സ്വയം ശുചിയാകും. പ്രത്യേക തരം പച്ചമരുന്നുകൾ കത്തിച്ചുണ്ടാക്കുന്ന പുക ശരീരത്തിൽ ഏൽക്കുന്നതോടെ അണുക്കളും ബാക്ടീരിയകളും പൂർണമായി ഇല്ലാതാവും. സ്റ്റീം ബാത്തിനായും ചില പ്രത്യേക ഔഷധസസ്യങ്ങളെയാണ് ഇവർ ആശ്രയിക്കുന്നത്. ചെമ്മണ്ണും വെണ്ണയും സുഗന്ധമുള്ള ഔഷധസസ്യങ്ങളും ചേർത്ത് തയ്യാറാക്കുന്ന പേസ്റ്റ് ഇവർ മുടിയിലും തൊലിയിലും പുരട്ടുന്നു.