DeToor reflective wanderings…
Related Articles
തിരുവനന്തപുരം: 2 മാസത്തെ ക്ഷേമനിധി പെന്‍ഷനുകള്‍ നാളെ മുതല്‍ വിതരണം ചെയ്യുമെന്ന് ധനമന്ത്രി കെ.എന്‍ ബാലഗോപാല്‍. സര്‍ക്കാരിന്റെ ഓണ സമ്മാനമായി 62 ലക്ഷത്തോളം ആളുകള്‍ക്ക് രണ്ട് ഗഡു പെന്‍ഷന്‍ നല്‍കും. ഇതിനായി 1679 കോടി അനുവദിച്ചതായി മന്ത്രി പറഞ്ഞു. ആഗസ്റ്റിലെ പെന്‍ഷനു പുറമെ ഒരു ഗഡു കുടിശ്ശിക കൂടിയാണ് നല്‍കുന്നത്. 3200 രൂപയാണ് ഓരോ ഉപഭോക്താവിനും ലഭിക്കുക.
ശനിയാഴ്ച മുതല്‍ പെന്‍ഷന്‍ ഗുണഭോക്താക്കള്‍ക്ക് ലഭിച്ചു തുടങ്ങും. 26.62 ലക്ഷം പേരുടെ ബാങ്ക് അക്കൗണ്ടില്‍ തുക എത്തും. മറ്റുള്ളവര്‍ക്ക് സഹകരണ ബാങ്കുകള്‍ വഴി വീട്ടിലെത്തി പെന്‍ഷന്‍ കൈമാറും. 8.46 ലക്ഷം പേര്‍ക്ക് ദേശീയ പെന്‍ഷന്‍ പദ്ധതിയിലെ കേന്ദ്ര വിഹിതം കേന്ദ്ര സര്‍ക്കാരാണ് നല്‍കേണ്ടത്. ഇതിനാവശ്യമായ 48.42 കോടി രൂപയും സംസ്ഥാനം മുന്‍കൂര്‍ അടിസ്ഥാനത്തില്‍ അനുവദിച്ചിട്ടുണ്ട്. ഈ വിഹിതം കേന്ദ്ര സര്‍ക്കാരിന്റെ പിഎഫ്എംഎസ് സംവിധാനം വഴിയാണ് ഗുണഭോക്താക്കളുടെ ബാങ്ക് അക്കൗണ്ടിലേക്ക് ക്രഡിറ്റ് ചെയ്യേണ്ടത്.
