DeToor reflective wanderings…
Related Articles
കോഴിക്കോട്: ഗുരുതരാവസ്ഥയില് കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന മലപ്പുറം മങ്കട സ്വദേശിനി മരിച്ചത് നിപ വൈറസ് മൂലമെന്ന് സംശയം. പോസ്റ്റ്മോര്ട്ടത്തിന് ശേഷം കോഴിക്കോട് മെഡി. കോളജ് ആശുപത്രിയില് നടത്തിയ പരിശോധനഫലം പോസിറ്റിവാണ്. തുടര്ന്ന് പോസ്റ്റ്മോര്ട്ടം നടത്തിയ ഡോക്ടര്മാര് ഉള്പ്പെടെ ക്വാറന്റീനില് പ്രവേശിച്ചു.
ജൂണ് 28നാണ് 18കാരിയെ അതിഗുരുതരാവസ്ഥയില് കോഴിക്കോട്ടെ സ്വകാര്യ ആശുപത്രിയില് എത്തിച്ചത്. ജൂലൈ ഒന്നിന് മരണം സംഭവിച്ചു. തുടര്ന്ന് കോഴിക്കോട് മെഡിക്കല് കോളജ് ആശുപത്രിയില് മൃതദേഹം പോസ്റ്റുമോര്ട്ടം നടത്തി. മെഡിക്കല് കോളജിലെ ലെവല് ടു ലാബില് നടത്തിയ സാമ്പിള് പരിശോധനയിലാണ് നിപ പോസിറ്റിവ് റിപ്പോര്ട്ട് ചെയ്തത്. പിന്നാലെ പുണെ വൈറോളജി ലാബിലേക്ക് സാമ്പിള് പരിശോധനക്ക് അയച്ചു.
Comments
