slider

അടിമാലി: പട്ടികജാതിയില്‍ നിന്നും ക്രിസ്തുമതം സ്വീകരിച്ചവര്‍ക്ക് മാത്രമായി ഉപയോഗിച്ചു വരുന്ന ശ്മശാനത്തില്‍ അതിക്രമിച്ചു കയറി ശവസംസ്‌കാരം നടത്തിയതായി പൊലീസില്‍ പരാതി. അവശ ക്രൈസ്തവ സംരക്ഷണ സമിതിയുടെ അധീനതയിലുള്ള പഴയവിടുതിയിലെ ശ്മശാനത്തില്‍ മറ്റൊരു സംഘടനയില്‍പ്പെട്ട ചിലര്‍ അവരുടെ പുരോഹിതരുമായി ചേര്‍ന്ന് ശ്മശാനത്തിന്റെ പൂട്ട് തകര്‍ത്ത് അകത്തു കയറി ശവസംസ്‌കാരം നടത്തിയെന്നാണ് പരാതി. അവശ ക്രൈസ്തവ സംരക്ഷണ സമിതി ഭാരവാഹികള്‍ വാര്‍ത്തസമ്മേളനത്തിലാണ് ആരോപണം ഉന്നയിച്ചത്. രാജാക്കാട് പഞ്ചായത്തിലെ പഴയവിടുതി കരയില്‍ സര്‍വെ 180/41ല്‍പ്പെട്ട …

കോഴിക്കോട്: കേരളത്തില്‍ വീണ്ടും നിപ്പ സ്ഥിരീകരിച്ചു. മലപ്പുറം വളാഞ്ചേരി സ്വദേശിയായ നാല്‍പ്പത്തിരണ്ടുകാരി പെരിന്തല്‍മണ്ണയിലെ ആശുപത്രിയില്‍ ചികിത്സയിലാണ്. ഒരാഴ്ചയായി പനി ബാധിച്ച് ചികിത്സയിലായിരുന്നു. പനി, ചുമ, ശ്വാസതടസം തുടങ്ങിയ രോഗലക്ഷണങ്ങളെ തുടര്‍ന്ന് സ്രവം പുണെ വൈറോളജി ലാബിലേക്ക് അയയ്ക്കുകയായിരുന്നു. ആരോഗ്യവകുപ്പ് സ്ഥിതിഗതികള്‍ നിരീക്ഷിക്കുന്നു.  

കോട്ടയം: കെ. സുധാകരനെ അനുകൂലിച്ച് ഫ്ളക്‌സ് ബോര്‍ഡുകള്‍. ”തുടരണം ഈ നേതൃത്വം” എന്ന മുദ്രാവാക്യവുമായി തൊടുപുഴയിലും മൂവാറ്റുപുഴയിലും പോസ്റ്ററുകള്‍ പ്രത്യക്ഷപ്പെട്ടു. ”ധീരമായ നേതൃത്വം”, ”സേവ് കോണ്‍ഗ്രസ്” തുടങ്ങിയ മുദ്രാവാക്യങ്ങളോട് കൂടിയ ഫ്ളക്‌സ് ബോര്‍ഡുകള്‍ തൊടുപുഴയിലെ പ്രൈവറ്റ് ബസ് സ്റ്റാന്‍ഡ് പരിസരത്തും മൂവാറ്റുപുഴ ടൗണ്‍ മേഖലകളിലുമാണ് പ്രത്യക്ഷപ്പെട്ടത്. കെ സുധാകരനെ അനുകൂലിച്ച് സംസ്ഥാനത്തിന്റെ പലയിടങ്ങളും ഫ്ളക്‌സ് ബോര്‍ഡുകള്‍ പ്രത്യക്ഷപ്പെടുന്നുണ്ട്. കാസര്‍കോട് ഡിസിസി ഓഫീസിന് മുന്നിലും ഫ്‌ലക്‌സ് ബോര്‍ഡുകള്‍ സ്ഥാപിച്ചിട്ടുണ്ട്. കെപിസിസി പ്രസിഡന്റായി …

ന്യൂഡല്‍ഹി: ഇന്ത്യ-പാക്ക് സംഘര്‍ഷത്തെ തുടര്‍ന്ന് രാജ്യത്തെ 27 വിമാനത്താവളങ്ങള്‍ അടച്ചിടാന്‍ നിര്‍ദേശിച്ച് കേന്ദ്ര വ്യോമയാന മന്ത്രാലയം. ഗുജറാത്ത്, മധ്യപ്രദേശ്, രാജസ്ഥാന്‍, പഞ്ചാബ്, ജമ്മു കശ്മീര്‍, ലഡാക്ക് എന്നിവിടങ്ങളിലെ 27 വിമാനത്താവളങ്ങളാണ് അടയ്ക്കുക. ഈ വിമാനത്താവളങ്ങളിലെ സര്‍വീസുകള്‍ ശനിയാഴ്ച പുലര്‍ച്ചെ വരെ റദ്ദാക്കിയിട്ടുണ്ട്. ആകെ 430 വിമാനസര്‍വീസുകളാണ് റദ്ദാക്കിയിരിക്കുന്നത്. കശ്മീര്‍ മുതല്‍ ഗുജറാത്ത് വരെയുള്ള വടക്ക് പടിഞ്ഞാറന്‍ വ്യോമപാത പൂര്‍ണമായും ഒഴിവാക്കിയാണ് നിലവില്‍ വിമാനക്കമ്പനികള്‍ സര്‍വീസ് നടത്തുന്നത്. ഇതിനു പിന്നാലെയാണ് വിമാനത്താവളങ്ങള്‍ …

കോഴിക്കോട്: നരിക്കുനി ബസ് സ്റ്റാന്‍ഡില്‍ എത്തുന്നവര്‍ ലഹരി ഉപയോഗിക്കാത്തവര്‍ ആണെങ്കില്‍ കയ്യില്‍ പണം ഇല്ലെങ്കിലും വിശന്ന് വലയേണ്ടി വരില്ല. ഇവിടുത്തെ സുല്‍ത്താന്‍ ഹോട്ടലാണ് പണം ഇല്ലാത്തവര്‍ക്ക് സൗജന്യ ഭക്ഷണം വാഗ്ദാനം ചെയ്തിരിക്കുന്നത്. ലഹരി ഉപയോഗിക്കാത്തവര്‍ക്കു മാത്രമെന്ന നിബന്ധനയോടെ സൗജന്യ ഭക്ഷണം നല്‍കുമെന്ന് കാണിച്ച് ഹോട്ടലിനു പുറത്ത് ബോര്‍ഡ് സ്ഥാപിച്ചിട്ടുണ്ട്. അര്‍ഹരായവര്‍ക്കു ഭക്ഷണം നല്‍കി സഹായിക്കാനുള്ള സന്നദ്ധതയും ലഹരിക്കെതിരെയുള്ള സന്ദേശവുമാണ് ഒരേ സമയം മുന്നോട്ടുവയ്ക്കുന്നതെന്നു സുല്‍ത്താന്‍ ഹോട്ടല്‍ ഉടമ കെ.സലീം പറഞ്ഞു. …

മലപ്പുറം: പോക്സോ കേസിൽ റിട്ടയേർഡ് അധ്യാപകൻ അറസ്റ്റിൽ. മലപ്പുറം വളാഞ്ചേരിയിലാണ് സംഭവം. മാവണ്ടിയൂർ സ്വദേശി പുതുക്കുടി അബൂബക്കർ മാസ്റ്റർ എന്ന പോക്കർ(62) ആണ് അറസ്റ്റിലായത്. എട്ട് വർഷത്തോളം പ്രായപൂർത്തിയാകാത്ത കുട്ടിയെ പീഡിപ്പിച്ചെന്ന കേസിലാണ് അറസ്റ്റ്. ചൈൽഡ് വെൽഫെയർ കമ്മറ്റിക്ക് വിദ്യാർത്ഥി നൽകിയ പരാതിയുട അടിസ്ഥാനത്തിൽ വളാഞ്ചേരി പൊലീസാണ് ഇയാളെ അറസ്റ്റ് ചെയ്തത്. പീഡനദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തിയാണ് അബൂബക്കർ വർഷങ്ങളോളം കുട്ടിയെ പീഡിപ്പിച്ചിരുന്നതെന്നും പൊലീസ് പറഞ്ഞു.

താമരശ്ശേരി: വാഹന പരിശോധനക്കിടെ ദേശീയപാത പരപ്പൻ പൊയിലിൽ 38 ലക്ഷം രൂപ സഹിതം യുവാവ് പിടിയിൽ. കൊടുവള്ളി ഉളിയാടൻ കുന്നുമ്മൽ മുഹമ്മദ് റാഫിയാണ് (18) പൊലീസ് പിടിയിലായത്. പണം സ്കൂട്ടറിന്റെ സീറ്റിനടിയിൽ ഒളിപ്പിച്ച നിലയിലായിരുന്നു. ഹവാല ഇടപാടുമായി ബന്ധപ്പെട്ട് വിതരണത്തിനുള്ള പണമാണ് പിടികൂടിയതെന്ന് പൊലീസ് പറഞ്ഞു. താമരശ്ശേരി എസ്.ഐമാരായ സത്യൻ, പ്രകാശൻ, അൻവർഷ, സീനിയർ സി.പി.ഒ ജിൻസിൽ, സി.പി.ഒ ബിനോയ് എന്നിവർ ചേർന്നാണ് പ്രതിയെ പിടികൂടിയത്

തൃശൂർ: വിദേശ സഞ്ചാരികൾക്കു കുടമാറ്റം കാണാനൊരുക്കുന്ന വിഐപി ഗാലറിയിൽ ഇത്തവണയും സിപിഐഎം നേതാക്കൾക്കും അനുകൂല രാഷ്ട്രീയ നേതാക്കൾക്കും പ്രവേശനമെന്ന് ആക്ഷേപം. മന്ത്രി വി.എൻ.വാസവനടക്കം സിപിഎം നേതാക്കൾ ഗാലറിയിലെ സീറ്റുകൾ കയ്യടക്കിയെന്നാണു പരാതി. മറ്റു രാഷ്ട്രീയ പാർട്ടികളുടെ നേതാക്കളും ജനപ്രതിനിധികളും പൊലീസ് പവിലിയനിലും ആൾക്കൂട്ടത്തിലും മറ്റും നിന്ന് കുടമാറ്റം കണ്ടപ്പോൾ സിപിഎമ്മിന്റെ നേതാക്കൾക്കും ജനപ്രതിനിധികൾക്കുമായി ഗാലറിയിൽ പ്രവേശനം അനുവദിച്ചെന്നാണ് ആക്ഷേപം. വീസയും പാസ്പോർട്ടും അടക്കമുള്ള രേഖകൾ ഹാജരാക്കി പാസ് എടുക്കുന്ന വിദേശികൾക്കു …

മണ്ണാർക്കാട്: കാഞ്ഞിരപ്പുഴ സ്വദേശിയായ യുവാവിന്റെ മൃതദേഹം പുൽവാമയിലെ വനത്തിനുള്ളിൽ കണ്ടെത്തി. മൃതദേഹത്തിന് 10 ദിവസത്തോളം പഴക്കമുണ്ട്. കരുവാൻതൊടി മുഹമ്മദ് ഷാനിബിൻ്റെ (28) മൃതദേഹമാണ് കണ്ടെത്തിയത്. വിവരം ഗുൽമാർഗ് സ്റ്റേഷനിൽ നിന്നും ബന്ധുക്കളെ അറിയിക്കുകയായിരുന്നു. ബാംഗ്ലൂരിൽ വയറിങ് ജോലികൾ ചെയ്തു വരികയായിരുന്നു ഷാനിബ്. ജോലിക്ക് പോവുകയാണെന്ന് പറഞ്ഞാണ് ഷാനിബ് വീട്ടിൽ നിന്നും പോയത്. എന്നാൽ ഇയാൾ എങ്ങനെ കാശ്മീരിൽ എത്തിയെന്നത് ഉൾപ്പെടെയുള്ള കാര്യങ്ങൾ പോലീസ് അന്വേഷിച്ചു വരികയാണ്.

ന്യൂഡൽഹി: വ്യോമാക്രമണം ഉണ്ടായാൽ പാലിക്കേണ്ട കാര്യങ്ങള്‍ ഉള്‍പ്പെടുത്തി “ബ്ലാക്ക് ഔട്ട് ആക്ഷന്‍ പ്ലാന്‍” പ്രസിദ്ധപ്പെടുത്തി കേന്ദ്രസർക്കാർ . ഇന്ത്യ – പാക് സംഘർഷത്തിൻ്റെ നടുവിൽ വ്യോമാക്രമണമുണ്ടായാൽ സ്വീകരിക്കേണ്ട നടപടികൾ ഉൾപ്പെടുത്തിയാണ് ബ്ലാക് ഔട്ട് ആക്ഷൻ പ്ലാൻ തയ്യാറാക്കിയിരിക്കുന്നത്. പൊതുജനങ്ങൾക്ക് നിർദേശങ്ങളടങ്ങിയ വീഡിയോയും കേന്ദ്രസർക്കാർ പുറത്തുവിട്ടിട്ടുണ്ട്. ആക്രമണം സംബന്ധിച്ച് എയർ സൈറൺ മുഴങ്ങിയാൽ ഉടൻ തന്നെ വൈദ്യുത ഉപകരണങ്ങൾ ഗ്യാസ് എന്നിവ ഓഫ് ചെയ്യണം. ജനലുകൾ അടച്ച് കർട്ടനുകളിടണം. ഒരു തരി …