DeToor reflective wanderings…
Related Articles
ഗുരുവായൂർ: സോഷ്യൽ മീഡിയ ഇൻഫ്ലുവൻസർ ജാസ്മിൻ ജാഫർ ഗുരുവായൂർ ക്ഷേത്രക്കുളത്തില് കാല് കഴുകിയ സംഭവത്തില് പുണ്യാഹം നടത്താനൊരുങ്ങി ഗുരുവായൂര് ക്ഷേത്രം. അഹിന്ദുവായ സ്ത്രീ ക്ഷേത്രക്കുളത്തിൽ പ്രവേശിച്ച് അശുദ്ധമാക്കിയതിനാലാണ് ശുദ്ധികര്മ്മങ്ങള് നടത്തുന്നത്.
ഇന്നു മുതൽ 6 ദിവസത്തെ പൂജകളും ശീവേലിയും ക്ഷേത്രത്തിൽ നടത്തും. ഇന്ന് ഉച്ചവരെ ദര്ശനത്തിന് നിയന്ത്രണമുണ്ട്. റീല്സ് ചിത്രീകരിച്ചതില് ജാസ്മിനെതിരെ ഗുരുവായൂര് ദേവസ്വം അഡ്മിനിസ്ട്രേറ്റര് ഒ.ബി അരുണ് കുമാര് പൊലീസില് പരാതി നല്കിയിരുന്നു.
വിലക്ക് മറികടന്ന് ഗുരുവായൂര് തീര്ത്ഥക്കുളത്തില് കാല് കഴുകി റീല്സ് ചിത്രീകരിച്ചെന്നാണ് പരാതിയില് പറയുന്നത്. മുന്കൂര് അനുമതിയില്ലാതെ വീഡിയോ ചിത്രീകരിക്കുന്നതിന് ഹൈക്കോടതി നിരോധനമേര്പ്പെടുത്തിയ നടപ്പുരയിലും റീല്സ് ചിത്രീകരിച്ചെന്ന് പരാതിയില് ആരോപിച്ചിരുന്നു.
