News

മലപ്പുറം: പി.വി. അൻവറിന് വേണ്ടി നിലമ്പൂരിൽ വോട്ട് തേടി തൃണമൂൽ കോൺ​ഗ്രസ് എം.പിയും മുൻ ഇന്ത്യൻ ക്രിക്കറ്റ് താരവുമായ യൂസഫ് പത്താൻ. അൻവർ ഉപതെരഞ്ഞെടുപ്പിലെ ഓപണറും പ്ലെയർ ഓഫ് ദ മാച്ചും ആണെന്ന് യൂസഫ് പത്താൻ പറഞ്ഞു. അൻവറിന്റെ തെരഞ്ഞെടുപ്പ് പ്രചാരണത്തിന് വേണ്ടിയാണ് യൂസഫ് പത്താൻ നിലമ്പൂരിലെത്തിയത്. വൈകിട്ട് മൂന്ന് മണിക്ക് നിലമ്പൂരിൽ റോഡ് ഷോയിലും യൂസഫ് പത്താൻ പങ്കെടുക്കും.  

കോഴിക്കോട്: താമരശേരിയിൽ ബുള്ളറ്റ് വാടകക്ക് നൽകി വിദ്യാർഥിയെ മർദിച്ച് പണം തട്ടിയതായി പരാതി. പൂക്കോട് സ്വദേശിയായ പത്താംക്ലാസ് വിദ്യാർഥിക്കാണ് മർദനമേറ്റത്. കൊടുവള്ളി സ്വദേശി ജൈസൽനെതിരെ കുട്ടിയുടെ കുടുംബം പരാതി നൽകിയിട്ടുണ്ട്. വാടകക്ക് നൽകിയ ബുള്ളറ്റ് തിരികെ നൽകിയപ്പോൾ കേടുപാടുകൾ ഉണ്ടെന്ന് ചൂണ്ടിക്കാട്ടി കൂടുതൽ പണം ആവശ്യപ്പെടുകയായിരുന്നു. കുട്ടിയെ തട്ടിക്കൊണ്ട് പോയി മർദിച്ചെന്നും പരാതിയിൽ പറയുന്നുണ്ട്.

ന്യൂദൽഹി: ഉത്തരാഖണ്ഡിൽ ഹെലികോപ്ടർ തകർന്ന് വീണ് ഏഴ് പേർ മരിച്ചു. കേദാർനാഥിൽ നിന്നും ഗുപ്തകാശിയിലേക്ക് പോയ ഹെലികോപ്ടറാണ് തകർന്നത്. പൈലറ്റടക്കം ഏഴ് പേരാണ് ഹെലികോപ്ടറിലുണ്ടായിരുന്നത്. ഗൗരികുണ്ടിന് സമീപമാണ് ഹെലികോപ്ടർ തകർന്ന് വീണത്. കേദാർനാഥിൽ നിന്നും ഗുപ്തകാശിയിലേക്ക് തീർഥാടകരുമായിപോകുന്നതിനിടെയാണ് അപകടമുണ്ടായത്. മോശം കാലാവസ്ഥ മൂലമാണ് അപകടമുണ്ടായതെന്നാണ് വിവരം. ഹെലികോപ്ടർ നിയന്ത്രണംവിട്ട് ഗൗരികുണ്ടിന് സമീപം വീഴുകയായിരുന്നുവെന്നാണ് റിപ്പോർട്ട്.

കൽപറ്റ: റെഡ് അലർട്ട് പ്രഖ്യാപിച്ച സാഹചര്യത്തിൽ വയനാട്ടിലെ വിദ്യാഭ്യാസ സ്ഥാപനങ്ങൾക്ക് ഞായറാഴ്ച അവധി പ്രഖ്യാപിച്ചു. മദ്രസകൾ, ട്യൂഷൻ സെന്ററുകൾ, സ്പെഷൽ ക്ലാസുകൾക്ക് എന്നിവക്ക് അവധി ബാധകമായിരിക്കുമെന്ന് ജില്ലാ കലക്ടർ ഡി.ആർ. മേഘശ്രീ അവധി അറിയിച്ചു. എന്നാൽ റസിഡൻഷൽ സ്കൂളുകൾക്കും റസിഡൻഷൽ കോളേജുകൾക്കും അവധി ബാധകമല്ല.

തിരുവനന്തപുരം: സംസ്ഥാനത്ത് തീവ്രമഴ മുന്നറിയിപ്പ് നൽകി കേന്ദ്ര കാലാവസ്ഥാ വകുപ്പ്. അഞ്ച് ജില്ലകളിൽ റെഡ് അലേർട്ട് പ്രഖ്യാപിച്ചു. മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് റെഡ് അലേർട്ട് പ്രഖ്യാപിച്ചത്. ബാക്കി ജില്ലകളിൽ ഓറ‍ഞ്ച് അലേർട്ടും നൽകിയിട്ടുണ്ട്. അടുത്ത അഞ്ച് ദിവസം സംസ്ഥാനത്ത് ശക്തമായ മഴ മുന്നറിയിപ്പാണ് നൽകിയിരിക്കുന്നത്. കടലേറ്റത്തിനും ഉയർന്ന തിരമാലകൾക്കും സാധ്യത ഉള്ളതിനാൽ ജാ​ഗ്രത പാലിക്കണമെന്നും നിർദേശം നൽകിയിട്ടുണ്ട്. മണ്ണിടിച്ചിലും ഉരുൾപൊട്ടലിനും സാധ്യതയുണ്ടെന്ന് മുന്നറിയിപ്പുണ്ട്. പൊതുജനങ്ങളും സർക്കാർ …

ന്യൂദൽഹി: രാജ്യത്ത് കോവിഡ് കേസുകൾ ഉയരുന്നു. ഇതുവരെ 7400 പേർക്കാണ് രാജ്യത്ത് കോവിഡ് സ്ഥിരീകരിച്ചത്. കേരളത്തിൽ കോവിഡ് ബാധിതരുടെ എണ്ണം 2109 ആയി ഉയർന്നു. ഒറ്റദിവസം കൊണ്ട് 54 കേസുകളാണ് കേരളത്തിൽ പുതുതായി റിപ്പോർട്ട് ചെയ്തത്. കേരളം കഴിഞ്ഞാൽ ഏറ്റവും കൂടുതൽ കേസുകൾ റിപ്പോർട്ട് ചെയ്തിട്ടുള്ള സംസ്ഥാനം ഗുജറാത്താണ്. കഴിഞ്ഞ 24 മണിക്കൂറിനിടെ രാജ്യത്ത് ഒമ്പതു മരണവും റിപ്പോർട്ട് ചെയ്തു.

അഹ്മദാബാദ്: ​ഗുജറാത്തിലെ വിമാനദുരന്തത്തിൽ മരണം 274 ആയി. ദുരന്തത്തിൽ ബി.ജെ മെഡിക്കൽ കോളേജിലെ 12 വിദ്യാർഥികളാണ് മരിച്ചത്. 32 വിദ്യാർഥികളെ ഇനിയും കണ്ടെത്താനായിട്ടില്ല. 25 വിദ്യാർഥികൾക്കാണ് അപകടത്തിൽ ​ഗുരുതരമായി പൊള്ളലേറ്റത്. ഹോസ്റ്റലിന് സമീപം താമസിച്ചിരുന്ന വീടുകളിലെ ആറ് പേരെയും കാണാനില്ലെന്ന് സ്ഥിരീകരിച്ചിട്ടുണ്ട്. അതിനിടെ, മരണസംഖ്യ ഇനിയും ഉയരാനാണ് സാധ്യത. കാണാതായവരും തിരിച്ചറിയാത്ത മൃതദേഹങ്ങളും ഏറെയാണെന്നാണ് റിപ്പോർട്ട്.

തിരുവനന്തപുരം: കേരള തീരത്തെ മത്സ്യങ്ങൾ ഭക്ഷ്യ യോഗ്യമെന്ന് പഠന റിപ്പോർട്ട്. സെൻട്രൽ ഇൻസ്റ്റിറ്റ്യൂട്ട് ഓഫ് ടെക്നോളജി(സി.ഐ.എഫ്.ടി)യാണ് പ്രാഥമിക പഠനം നടത്തിയത്. കേരള തീരത്ത് നിന്ന് പിടിക്കുന്ന മീനുകളിൽ രാസ വസ്തുക്കൾ കലർന്നിട്ടില്ലെന്നും ഭക്ഷ്യ യോഗ്യമെന്നും സി.ഐ.എഫ്.ടി ഡയറക്ടർ ജോർജ് നൈനാൻ പറഞ്ഞു. എറണാകുളം മുതൽ തിരുവനന്തപുരം വരെയുള്ള വിവിധ ഹാർബറുകളിൽ നിന്ന് മത്സ്യ ഫെഡ് വഴി ശേഖരിച്ച മത്സ്യത്തിന്റെയും വെള്ളത്തിന്റയും സാമ്പിളുകളാണ് പ്രാഥമിക പഠനത്തിന് വിധേയമാക്കിയത്. കേരള തീരത്ത് അടുപ്പിച്ചുണ്ടായ …

അഹമ്മദാബാദ് വിമാനദുരന്തത്തിൽ 241 യാത്രക്കാരും മരിച്ചപ്പോൾ ഒരു യാത്രക്കാരന് മാത്രമാണ് രക്ഷപ്പെടാൻ സാധിച്ചത്. എമർജെൻസി എക്സിറ്റിനടുത്തെ സീറ്റിൽ നിന്ന് പുറത്തേക്ക് തെറിച്ച് വീണാണ് വിശ്വാസ് കുമാറെന്ന ബ്രിട്ടീഷ് പൗരൻ അത്ഭുതകരമായി ദുരന്തത്തെ അതിജീവിച്ചത്. ഇത്തരത്തിൽ ആകാശ ദുരന്തത്തെ ഇതിന് മുമ്പും ചിലർ അതിജീവിച്ചിട്ടുണ്ട്. 1971ൽ പെറുവിൽ ലാൻസ 508 ഇടിമിന്നലേറ്റ് ആമസോൺ മഴക്കാടുകളിൽ തകർന്ന് വീണപ്പോൾ അന്ന് വിമാനത്തിലുണ്ടായിരുന്ന 91 പേരും മരിച്ചപ്പോൾ അതിജീവച്ചത് ഒരാൾ മാത്രമാണ്. 10,000 അടി …

മലപ്പുറം: പാലക്കാട്ടെ പെട്ടി വിവാദത്തിന് സമാനമായി നിലമ്പൂരിലും ചർച്ചയായി പെട്ടി പരിശോധന. ഷാഫി പറമ്പിൽ എം.പിയും രാഹുൽ മാങ്കൂട്ടത്തിൽ എം.എൽ.എയും സഞ്ചരിച്ച വാഹനം തടഞ്ഞു നിർത്തി പരിശോധിച്ചതാണ് വിവാദമായത്. വെളളിയാഴ്ച രാത്രി 10 മണിയോടെ നിലമ്പൂരിലെ വടപുറത്തായിരുന്നു വാഹന പരിശോധന നടന്നത്. വാഹന പരിശോധനക്കിടെ രാഹുൽ മാങ്കൂട്ടത്തിൽ ഉദ്യോഗസ്ഥരോട് കയർക്കുന്നതിന്റെ ദൃശ്യങ്ങളും പുറത്തുവന്നിട്ടുണ്ട്. നിനക്ക് സർവീസിനുള്ള പാരിതോഷികം തരാമെന്നും ഇടതുപക്ഷ നേതാക്കളുടെ പെട്ടി ഇതുപോലെ പരിശോധിക്കുമോ എന്നും രാഹുൽ പറഞ്ഞു. …