DeToor reflective wanderings…
Related Articles
കല്പറ്റ: വയനാട്ടിലെ പ്രഫഷനല് കോളേജ് ഉള്പ്പടെ എല്ലാ വിദ്യാഭ്യാസ സ്ഥാപനങ്ങള്ക്കും കലക്ടര് നാളെ അവധി പ്രഖ്യാപിച്ചു. ജില്ലയില് റെഡ് അലേര്ട്ട് തുടരുന്ന സാഹചര്യത്തിലാണ് തീരുമാനം. അതിനിടെ അഞ്ച് ദിവസം കൂടെ സംസ്ഥാനത്ത് കനത്തമഴ തുടരുമെന്ന്
കാലാവസ്ഥാ നിരീക്ഷണ കേന്ദ്രം അറിയിച്ചു. കണ്ണൂര്, കോഴിക്കോട്, വയനാട് ജില്ലകളില് റെഡ് അലേര്ട്ട് തുടരും. എട്ട് ജില്ലകളില് ഓറഞ്ച് അലേര്ട്ടുമാണ്.
വ്യാഴം, വെള്ളി ദിവസങ്ങളില് സംസ്ഥാനത്ത് അതിതീവ്ര മഴക്ക് സാധ്യത ഉണ്ടെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചത്. വെള്ളിയാഴ്ച ആറ് ജില്ലകളില് റെഡ് അലേര്ട്ട് പ്രഖ്യാപിച്ചിട്ടുണ്ട്. 60 കിലോമീറ്റര് വേഗത്തില് കാറ്റ് വീശാന് സാധ്യതയുണ്ടെന്നും മുന്നറിയിപ്പ് നല്കിയിട്ടുണ്ട്. ശനിയാഴ്ച വരെ കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിനും വിലക്കേര്പ്പെടുത്തിയിട്ടുണ്ട്.
