DeToor reflective wanderings…
Related Articles
തിരുവനന്തപുരം:നെല്വയലുകളും തണ്ണീര്ത്തടങ്ങളും ഡേറ്റബാങ്കില് നിന്ന് ഒഴിവാക്കുന്നതിലും തരംമാറ്റി നല്കുന്നതിലും പല ജില്ലകളിലും വ്യാപക ക്രമക്കേടെന്ന് വിജിലന്സ്. സംസ്ഥാനത്തെ 27 റവന്യു ഡിവിഷനല് ഓഫിസുകളിലും തരംമാറ്റല് പ്രക്രിയയുമായി ബന്ധപ്പെട്ട് പ്രവര്ത്തിക്കുന്ന 32 ഡപ്യൂട്ടി കലക്ടര്മാരുടെ ഓഫിസുകളിലും ഇന്നലെ നടത്തിയ മിന്നല് പരിശോധനയിലാണ് ക്രമക്കേട് കണ്ടെത്തിയത്. ‘ഓപ്പറേഷന് ഹരിത കവചം’ എന്ന പേരില് സംസ്ഥാനത്തെ 69 ഓഫിസുകളിലാണ് പരിശോധന നടത്തിയത്.
മലപ്പുറം ജില്ലയില് നടത്തിയ മിന്നല് പരിശോധനയില് ഡേറ്റ ബാങ്കില് നിന്നും ഒഴിവാക്കുന്നതിനായി ഒരു തവണ അപേക്ഷിക്കുകയും, അപേക്ഷ നിരാകരിക്കുകയും ചെയ്ത കേസില് വസ്തു മറ്റൊരാളുടെ പേരില് റജിസ്റ്റര് ചെയ്ത ശേഷം പുതിയ അപേക്ഷ നല്കി ഉദ്യോഗസ്ഥരെ സ്വാധീനിച്ച് തരം മാറ്റല് ഉത്തരവ് നേടിയെടുത്തതും കണ്ടെത്തി. ഒരു ഓഫിസില് 11 അപേക്ഷകളില് അപേക്ഷകരുടെ ഫോണ് നമ്പറിന്റെ സ്ഥാനത്ത് ഒരേ ഫോണ് നമ്പര് നല്കിയിരിക്കുന്നതായി കണ്ടെത്തി. ഇത് ഏജന്റുമാര് മുഖാന്തിരം സമര്പ്പിച്ച അപേക്ഷകളാണെന്ന് വിജിലന്സ് സംശയിക്കുന്നു.പൊതുജനങ്ങളുടെ ശ്രദ്ധയില് അഴിമതി സംബന്ധിച്ച വിവരങ്ങള് ലഭിക്കുകയാണെങ്കില്, വിജിലന്സിന്റെ ടോള് ഫ്രീ നമ്പറായ 1064 എന്ന നമ്പറിലോ, 8592900900 എന്ന നമ്പറിലോ, വാട്ട്സ്ആപ്പ് നമ്പറായ 9447789100 എന്ന നമ്പറിലോ അറിയിക്കണമെന്ന് വിജിലന്സ് ഡയറക്ടര് മനോജ് എബ്രഹാം അറിയിച്ചു.
