Tag Archives: Thiruvanathapuram

തിരുവനന്തപുരം: ക്യാന്‍സര്‍ രോഗിയായ കുട്ടിയുടെ വീട് ജപ്തി ചെയ്തും വീട്ടുകാരെ പുറത്താക്കിയും സ്വകാര്യ ധനമിടപാട് സ്ഥാപനത്തിന്റെ ക്രൂരത. വിതുര കൊപ്പം സ്വദേശിയായ സന്ദീപിന്റെ വീടാണ് തിരുവനന്തപുരം കേന്ദ്രമായി പ്രവര്‍ത്തിക്കുന്ന സ്ഥാപനം താഴിട്ടുപൂട്ടിയത്. കുട്ടിയുടെ മരുന്നുള്‍പ്പെടെയുള്ള സാധനങ്ങള്‍ വീടിനുള്ളില്‍ നിന്നും എടുക്കാന്‍ പോലും അധികൃതര്‍ സമ്മതിച്ചില്ല. തുടര്‍ന്ന് സിപിഎം, ഡിവൈഎഫ്‌ഐ പ്രവര്‍ത്തകരെത്തി പൂട്ട് തകര്‍ത്ത് വീട്ടുകാരെ അകത്ത് കയറ്റുകയായിരുന്നു. 2019ല്‍ കട തുടങ്ങാനായാണ് സന്ദീപ് സ്വകാര്യ ധനകാര്യ സ്ഥാപനത്തില്‍ നിന്നും 40 …

തിരുവനന്തപുരം: വിഴിഞ്ഞത്ത് വീട്ടില്‍ നിന്ന് 90 പവന്‍ സ്വര്‍ണവും ഒരുലക്ഷം രൂപയും മോഷ്ടിച്ചു. വെണ്ണിയൂരില്‍ താമസിക്കുന്ന മുന്‍ ഫയര്‍ഫോഴ്‌സ് ഉദ്യോഗസ്ഥന്‍ ഗില്‍ബര്‍ട്ടിന്റെ വീട്ടിലാണ് കവര്‍ച്ച നടന്നത്. സംഭവ സമയം വീട്ടുകാര്‍ ബന്ധുവീട്ടിലായിരുന്നു. രാവിലെ തിരിച്ചെത്തിയപ്പോഴാണ് രണ്ടാംനിലയില്‍ സൂക്ഷിച്ചിരുന്ന ആഭരണങ്ങളും സ്വര്‍ണവും മോഷണം പോയത് അറിയുന്നത്. മുന്‍വാതില്‍ തുറന്നാണ് മോഷ്ടാക്കള്‍ വീടിനകത്ത് കയറിയത്. സഹോദരിയുടെ മകന്റെ മരണത്തെ തുടര്‍ന്ന് തൊട്ടടുത്തുള്ള സഹോദരിയുടെ വീട്ടിലായിരുന്നു കുടുംബം രാത്രി കഴിഞ്ഞിരുന്നത്. ഇവയെല്ലാം അറിയാവുന്ന ആളാണ് …

തിരുവനന്തപുരം: കുപ്രസിദ്ധ മോഷ്ടാവ് പൂവരണി ജോയിയും (57) കൂട്ടാളി അടൂര്‍ സ്വദേശി തുളസീധരന്‍ (48) ഉം പോലീസ് പിടിയില്‍. ഒറ്റ രാത്രിയില്‍ നാലു ക്ഷേത്രങ്ങളില്‍ കവര്‍ച്ച നടത്തിയ സംഘത്തെക്കുറിച്ചുള്ള അന്വേഷണമാണ് ജോയിയിലേക്ക് എത്തിച്ചത്. അമ്പലങ്ങള്‍ കേന്ദ്രീകരിച്ച് മോഷണം നടത്തുന്നയാളാണ് ജോയി. കഴിഞ്ഞ മാസം കളമച്ചല്‍ പാച്ചുവിളാകം ദേവീക്ഷേത്രത്തില്‍ നിന്ന് സ്വര്‍ണപൊട്ടുകള്‍, വളകള്‍, താലി എന്നിവ കവര്‍ന്നിരുന്നു. സിസിടിവിയുടെ ഡിവിആര്‍ എന്ന് തെറ്റിദ്ധരിച്ച് ക്ഷേത്രത്തിലെ ഇന്‍വര്‍ട്ടറും സംഘം മോഷ്ടിച്ചിരുന്നു. മോഷണക്കേസുകളില്‍ ശിക്ഷിക്കപ്പെട്ട …

തിരുവനന്തപുരം: മൊബൈല്‍ ഫോണില്‍ നഗ്നവീഡിയോ കാണിച്ച് പ്രായപൂര്‍ത്തിയാകാത്ത പെണ്‍കുട്ടികളെ പീഢിപ്പിച്ച പ്രതി അറസ്റ്റില്‍. ചൈല്‍ഡ്‌ലൈനില്‍ നിന്നും ലഭിച്ച റിപ്പോര്‍ട്ടിന്റെ അടിസ്ഥാനത്തില്‍ കരമന പോലീസാണ് 38കാരനായ പ്രതിയെ അറസ്റ്റ് ചെയ്തത്. 13ഉം 14ഉം വയസ്സുള്ള പെണ്‍കുട്ടികളാണ് പീഢനത്തിനിരയായത്. കുട്ടികളെ നഗ്ന വീഡിയോ കാണിച്ച ശേഷം ലൈംഗികമായി ദുരുപയോഗം ചെയ്യുകയായിരുന്നു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

തിരുവനന്തപുരം: പാലോട് കാട്ടാനയുടെ ചവിട്ടേറ്റ് യുവാവിന് ഗുരുതര പരിക്ക്. ഇടിഞ്ഞാര്‍ സ്വദേശി ജിതേന്ദ്രന്‍ (48)നാണ് പരിക്കേറ്റത്. പുലര്‍ച്ചെ 6.45 ഓടെ ജോലിക്ക് പോകുന്നതിനിടെയാണ് ഇയാള്‍ ഒറ്റയാന്റെ മുന്നില്‍പെട്ടത്. റോഡ് മുറിച്ചു കടക്കുന്നതിനിടയില്‍ കാട്ടാന ബൈക്ക് മറിച്ചിടുകയയും ജിതേന്ദ്രനെ ചവിട്ടുകയുമായിരുന്നു. ആക്രമണത്തില്‍ ജിതേന്ദ്രന്റെ വാരിയെല്ലിന് പൊട്ടലുണ്ട്. മെഡിക്കല്‍ കോളജില്‍ പ്രവേശിപ്പിച്ച യുവാവ് ചികിത്സയില്‍ തുടരുകയാണ്. പ്രദേശത്ത് ഒറ്റയാന്റെ സാന്നിധ്യമുള്ളതായി നാട്ടുകാര്‍ പറയുന്നു. ജനവാസ മേഖലകളില്‍ ഒറ്റയാന്‍ ഇറങ്ങുന്നത് പതിവാണെന്നും നാട്ടുകാര്‍ പറഞ്ഞു.

തിരുവനന്തപുരം: തൊഴിലുറപ്പ് ജോലിക്കിടെ തെങ്ങുമറിഞ്ഞു വീണ് രണ്ട് തൊഴിലാളികള്‍ക്ക് ദാരുണാന്ത്യം. നെയ്യാറ്റിന്‍കര കുന്നത്തുകാലിലാണ് സംഭവം. ചാവടി സ്വദേശികളായ വസന്തകുമാരി (65), ചന്ദ്രിക (65) എന്നിവരാണ് മരിച്ചത്. ഭക്ഷണം കഴിച്ചുകൊണ്ടിരിക്കെ ഇരുവരുടേയും മുകളിലേക്ക് തെങ്ങ് മറിഞ്ഞുവീഴുകയായിരുന്നു. അഞ്ചുപേര്‍ക്ക് പരിക്കേറ്റിട്ടുണ്ട്. മരിച്ചവരുടെ മൃതദേഹം കാരക്കോണം മെഡിക്കല്‍ കോളജിലേക്ക് മാറ്റി.

തിരുവനന്തപുരം: മെഡിക്കല്‍ കോളേജിലെ ഹൃദയ ശസ്ത്രക്രിയ ഉപകരണ പ്രതിസന്ധി രൂക്ഷമായി തുടരുന്നു. ആവശ്യത്തിന് ഉപകരണങ്ങളില്ലാത്തത് ഗുരുതര പ്രതിസന്ധിയുണ്ടാക്കുന്നെന്ന് ചൂണ്ടിക്കാട്ടി കാര്‍ഡിയോളജി വിഭാഗം മേധാവി ഇന്നലെ ആശുപത്രി സൂപ്രണ്ടിന് കത്ത് നല്‍കിയിട്ടുണ്ട്. ശസ്ത്രക്രിയകള്‍ മുടങ്ങുന്ന സാഹചര്യമുണ്ടാകുമെന്നും കത്തില്‍ സൂചിപ്പിച്ചിരുന്നു. വിതരണ കമ്പനികള്‍ ഒന്നാം തിയ്യതി മുതല്‍ ഉപകരണങ്ങള്‍ നല്‍കുന്നത് നിര്‍ത്തിയതാണ് നിലവിലെ പ്രതിസന്ധികള്‍ക്ക് കാരണം. സംസ്ഥാനത്തെ 21 സര്‍ക്കാര്‍ ആശുപത്രികളില്‍ നിന്നായി 158 കോടി രൂപ കുടിശികയായതിനെ തുടര്‍ന്നാണ് വിതരണ കമ്പനികള്‍ …

തിരുവനന്തപുരം: അമീബിക് മസ്തിഷ്‌ക ജ്വരം ബാധിച്ച് സംസ്ഥാനത്ത് രണ്ടു മരണംകൂടി സ്ഥിരീകരിച്ചു. ഈമാസം 11-ാം തീയതി നടന്ന മരണങ്ങളാണ് അമീബിക് രോഗബാധ മൂലമാണെന്ന് ഇപ്പോള്‍ സ്ഥിരീകരിച്ചത്. തിരുവനന്തപുരം വള്ളക്കടവ് സ്വദേശിയായ 52 കാരിയും കൊല്ലത്ത് 91 കാരനുമാണ് മരണപ്പെട്ടത്. ഇതോടെ രോഗബാധ മൂലം ഈ വര്‍ഷം മരിച്ചവരുടെ എണ്ണം 19 ആയി. സംസ്ഥാനത്ത് ഇതുവരെ 62 പേര്‍ക്ക് രോഗബാധ ഉണ്ടായെന്നാണ് ആരോഗ്യ വകുപ്പിന്റെ സ്ഥിരീകരണം. ഇന്നലെ രണ്ട് പേര്‍ക്ക് രോഗം …

തിരുവനന്തപുരം: പേരൂര്‍ക്കട വ്യാജ മാലമോഷണക്കേസില്‍ നഷ്ടപരിഹാരം ആവശ്യപ്പെട്ട് കേസില്‍ പ്രതിയാക്കപ്പെട്ട ബിന്ദു. മനുഷ്യാവകാശ കമ്മീഷന് രേഖാമൂലം നല്‍കിയ പരാതിയിലാണ് ബിന്ദുവിന്റെ ആവശ്യം. ഇതിനു പുറമേ സര്‍ക്കാര്‍ ജോലി നല്‍കണമെന്നും ആവശ്യപ്പെട്ടിട്ടുണ്ട്. മാലമോഷണക്കേസില്‍ പോലീസ് ഉദ്യോഗസ്ഥര്‍ ബിന്ദുവിനെ മനപ്പൂര്‍വ്വം കുടുക്കുകയായിരുന്നു എന്നാണ് ക്രൈംബ്രാഞ്ച് അന്വേഷണ റിപ്പോര്‍ട്ടില്‍. ചുള്ളിമാനൂര്‍ സ്വദേശിയായ ബിന്ദു ജോലിക്കു നിന്ന വീട്ടിലെ ഉടമ ഓമന ഡാനിയേലിന്റെ സ്വര്‍ണമാല മോഷണം പോയെന്ന പരാതിയാണ് സംഭവങ്ങളുടെ തുടക്കം. തുടര്‍ന്ന് ബിന്ദുവിനെ പോലീസ് …

തിരുവനന്തപുരം: പൂവാര്‍ സ്വദേശിയായ പ്ലസ്ടു വിദ്യാര്‍ത്ഥിക്ക് അമീബിക് മസ്തിഷ്‌ക ജ്വരം സ്ഥിരീകരിച്ചു. ആക്കുളത്തെ സ്വിമ്മിംഗ് പൂളില്‍ നിന്നാണ് രോഗബാധയെന്നാണ് സംശയിക്കുന്നത്. പൂള്‍ ആരോഗ്യ വകുപ്പ് അധികൃതരെത്തി പൂട്ടിച്ചിട്ടുണ്ട്. വെള്ളത്തിന്റെ സാമ്പിളുകള്‍ കൂടുതല്‍ പരിശോനയ്ക്കായി അയച്ചു. കഴിഞ്ഞ മാസം 16ന് സുഹൃത്തുക്കളോടൊപ്പം വിദ്യാര്‍ത്ഥി പൂളില്‍ കുളിച്ചിരുന്നു. തുടര്‍ന്ന് കടുത്ത പനിയും തലവേദനയും അനുഭവപ്പെടുകയും തിരുവനന്തപുരത്തെ രണ്ട് സ്വകാര്യ ആശുപത്രികളില്‍ ചികിത്സ തേടുകയും ചെയ്തു. എന്നാല്‍ അസുഖം കൂടിയതിനെ തുടര്‍ന്ന് സ്വകാര്യ ആശുപത്രിയില്‍ …