Tag Archives: Palakkad

പാലക്കാട്: എലപ്പുള്ളിയിലെ നിര്‍ദ്ദിഷ്ട ബ്രൂവറി പ്രദേശം വൃത്തിയാക്കാനുള്ള കമ്പനിയുടെ ശ്രമം തടഞ്ഞ് നാട്ടുകാര്‍. നാട്ടുകാരും ജനകീയ സമരസമിതിയും, കോണ്‍ഗ്രസ്, ബിജെപി പ്രവര്‍ത്തകരും ചേര്‍ന്നാണ് പ്രതിഷേധം. നിര്‍മ്മാണ പ്രവര്‍ത്തനങ്ങള്‍ക്കായി എത്തിച്ച ജെസിബി ഉള്‍പ്പെടെയുള്ള ഉപകരണങ്ങളും ഒയാസിസ് കമ്പനിയുടെ പ്രതിനിധികളേയും പ്രതിഷേധക്കാര്‍ തടഞ്ഞു. ഡിജിറ്റല്‍ സര്‍വേ നടപടികള്‍ക്കായി പ്രദേശം കാടുവെട്ടിത്തെളിച്ച് പ്രദേശം വൃത്തിയാക്കുക മാത്രമാണ് ചെയ്തതെന്നാണ് കമ്പനിയുടെ വാദം. സംഘര്‍ഷത്തെ തുടര്‍ന്ന് സ്ഥലത്ത് പോലീസ് ഉദ്യോഗസ്ഥരെ സുരക്ഷയ്ക്കായി നിയോഗിച്ചിട്ടുണ്ട്. കാട് വെട്ടിത്തെളിക്കാന്‍ എത്തിച്ചതാണ് …

പാലക്കാട്: ദിനോസറുകളേക്കാള്‍ പഴക്കമുള്ള വിത്ത് കാണണോ? ലോകത്തിലെ ഏറ്റവും ഭാരമേറിയ വിത്തോ? കാണണമെങ്കില്‍ പാലക്കാട് ഗവ. വിക്ടോറിയ കോളജിലേക്ക് പോയാല്‍ മതി. അത്ഭുതങ്ങളുടെ കലവറ തുറന്ന് പ്രകൃതി സ്‌നേഹികളേയും ഗവേഷകരേയുമെല്ലാം കാത്തിരിക്കുകയാണ് ബോട്ടണി ഡിപാര്‍ട്ട്‌മെന്റ് സംഘടിപ്പിക്കുന്ന ‘ബോട്ടണി ഫിയസ്റ്റ 75’ എന്ന സസ്യപ്രദര്‍ശനം. ദിനോസറുകള്‍ക്ക് വംശനാശം സംഭവിച്ചപ്പോഴും അതിജീവിച്ച നൂറ്റാണ്ടുകള്‍ പഴക്കമുള്ള സസ്യവര്‍ഗ്ഗമായ വോളെമി (Wollemia) മരത്തിന്റെ തൈകള്‍ പ്രദര്‍ശനത്തിലുണ്ട്. 10 കോടി വര്‍ഷങ്ങള്‍ക്ക് മുന്‍പേ ഭൂമിയിലുണ്ടായിരുന്ന സസ്യമാണ് വോളെമി. …

പാലക്കാട്: മാങ്കുറുശ്ശിയില്‍ വയോധികരെ വീടിനുള്ളില്‍ മരിച്ച നിലയില്‍ കണ്ടെത്തിയ സംഭവത്തില്‍ വഴിത്തിരിവ്. മരിച്ച പങ്കജത്തിനെ (80) ശ്വാസംമുട്ടിച്ച് കൊലപ്പെടുത്തിയ ശേഷം ഭര്‍ത്താവ് രാജന്‍ (85) തൂങ്ങി മരിക്കുകയായിരുന്നു. പങ്കജത്തിനെ ശ്വാസം മുട്ടിച്ച് കൊലപ്പെടുത്തിയതാണെന്നായിരുന്നു പോസ്റ്റുമോര്‍ട്ടം റിപ്പോര്‍ട്ടില്‍. ഇന്നലെ രാവിലെയാണ് ദമ്പതികളെ വീടിനുള്ളില്‍ മരിച്ച നിലയില്‍ കണ്ടെത്തിയത്. പങ്കജത്തിനെ കൊലപ്പെടുത്തിയത് അവരുടെ സമ്മതത്തോടെയാണെന്നും അസുഖങ്ങളിലുള്ള മനോവിഷമമാണ് കാരണമെന്നും പൊലീസ് പറയുന്നു. വീടിന്റെ മുകള്‍ നിലയിലാണ് രാജനെ തൂങ്ങിയ നിലയില്‍ കണ്ടെത്തിയത്. രാജന്‍ …

തിരുവനന്തപുരം: 15ാം കേരള നിയമസഭയുടെ 14ാം സമ്മേളനത്തിന് തുടക്കം. സെപ്തംബര്‍ 15 മുതല്‍ ഒക്ടോബര്‍ 10 വരെ മൂന്നു ഘട്ടങ്ങളിലായി 10 ദിവസങ്ങളിലായാണ് സമ്മേളനം നടക്കുക. അന്തരിച്ച മുന്‍ മുഖ്യമന്ത്രി വി എസ് അച്യുതാനന്ദന്‍, മുന്‍ സ്പീക്കര്‍ പി പി തങ്കച്ചന്‍, വാഴൂര്‍ സോമന്‍ എംഎല്‍എ എന്നിവരുടെ നിര്യാണത്തില്‍ അനുശോചിച്ച് സഭ ഇന്ന് പിരിയും. ചൊവ്വാഴ്ച മുതലാണ് സഭയില്‍ ഭരണപരമായ കാര്യങ്ങളിലടക്കം ചര്‍ച്ചയുണ്ടാവുക. അതേസമയം അഭ്യൂഹങ്ങള്‍ക്കും വിവാദങ്ങള്‍ക്കുമിടയില്‍ പാലക്കാട് എം.എല്‍.എ …

പാലക്കാട്: മന്ത്രവാദ ക്രിയകള്‍ക്കിടയില്‍ പുഴയിലിറങ്ങിയ മന്ത്രവാദിയും 18കാരനും മുങ്ങി മരിച്ചു. പാലക്കാട് കൊഴിഞ്ഞാമ്പാറ സ്വദേശി ഹസന്‍ മുഹമ്മദ്, കോയമ്പത്തൂര്‍ സ്വദേശി യുവരാജ് എന്നിവരാണ് മരിച്ചത്. കുലുക്കപ്പാറയിലെ പുഴയില്‍ ഇന്ന് ഉച്ചയോടെയാണ് അപകടം. പള്ളിത്തെരുവിലെ ഹസന്‍ മുഹമ്മദിന്റെ വീട്ടില്‍ വച്ച് മന്ത്രവാദ ക്രിയകള്‍ നടത്തിയതിനു ശേഷം ഇരുവരും തുടര്‍ കര്‍മ്മങ്ങള്‍ക്കായി പുഴയിലിറങ്ങുകയായിരുന്നു. എന്നാല്‍ രണ്ടുപേര്‍ക്കും നീന്തല്‍ അറിയില്ലായിരുന്നു. മകന് ജോലി ഒന്നും ശരിയാവുന്നില്ലെന്ന് പറഞ്ഞ് യുവരാജിന്റെ അമ്മയും സഹോദരിയുടെ ഭര്‍ത്താവും ഉള്‍പ്പെടെ …

പാലക്കാട്: തച്ചനാട്ടുകര പാറപ്പുറത്ത് കുറുനരിയുടെ ആക്രമണത്തില്‍ നാലുപേര്‍ക്ക് പരിക്ക്. വഴിയില്‍ക്കൂടെ നടന്നു പോകുന്നതിനിടെയാണ് ആക്രമണത്തില്‍പ്പെട്ടത്. പാറപ്പുറം കൂളാകുര്‍ശ്ശി വേലായുധന്‍ (77), ഇയാളുടെ മകന്‍ സുരേഷ് (47), ആലിക്കല്‍ വീട്ടില്‍ ഉമേഷ്, അജീഷ് ആലിക്കല്‍ എന്നിവര്‍ക്കാണ് പരിക്കേറ്റത്. വേലായുധന്റെ ദേഹത്തേക്ക് ചാടിക്കയറിയ കുറുനരി ചുണ്ടിലാണ് കടിച്ചത്. സുരേഷിന് കൈയിലും വയറ്റിലുമാണ് പരിക്ക്. ഗുരുതരമായി പരിക്കേറ്റ ഇരുവരേയും മഞ്ചേരി മെഡിക്കല്‍ കോളജിലേക്ക് മാറ്റിയിട്ടുണ്ട്. കുറുനരിയെ പിന്നീട് ചത്ത നിലയില്‍ കണ്ടെത്തി.

കൊല്ലങ്കോട്: കൊല്ലങ്കോട് സുന്ദരഗ്രാമം കാണാനെത്തുന്ന വിനോദസഞ്ചാരികള്‍ക്ക് ഏറെ ദൃശ്യവിഭവങ്ങളൊരുക്കി വനംവകുപ്പിന്റെ ഇക്കോ ടൂറിസം പദ്ധതി. സീതാര്‍കുണ്ടില്‍ ഇക്കഴിഞ്ഞ ദിവസം ഉദ്ഘാടനംചെയ്ത ഇക്കോ ടൂറിസം കേന്ദ്രത്തില്‍ സഞ്ചാരികള്‍ക്ക് ഏറെ സൗകര്യം ഒരുക്കിയിട്ടുണ്ട്. വെള്ളച്ചാട്ടം കാണാന്‍ പോവുന്നവര്‍ക്ക് കോണ്‍ക്രീറ്റ് നടവഴി, സഞ്ചാരവഴികളില്‍ ഇരിപ്പിടങ്ങളും, ശൗചാലയവും സജ്ജമാക്കി. 2024 കൊല്ലങ്കോട് പഞ്ചായത്ത് സുന്ദരഗ്രാമമായി കേന്ദ്രസര്‍ക്കാര്‍ പ്രഖ്യാപിച്ചതിനു ശേഷം സംസ്ഥാനത്തെ മിക്ക ജില്ലകളില്‍ നിന്നും സ്ഥലം കാണാന്‍ വലിയ ജനക്കൂട്ടമെത്തിയിരുന്നു.  ഇവര്‍ക്ക് ആവശ്യമായ പ്രാഥമികസൗകര്യങ്ങളുടെ പരിമിതി …

പാലക്കാട്: പാലക്കാട് മുതലമടയില്‍ ആദിവാസി സമുദായത്തില്‍പ്പെട്ട മധ്യവയസ്‌കനെ മുറിയിലടച്ച് പട്ടിണിക്കിട്ട് ഫാംസ്റ്റേ ഉടമ. മുതലമട മൂചക്കുണ്ട് ചമ്പക്കുഴിയില്‍ താമസിക്കുന്ന വെള്ളയന്‍ (54) ആണ് ക്രൂര മര്‍ദ്ദനത്തിനിരയായത്. ആറുദിവസത്തോളം വെള്ളയനെ ഫാംസ്‌റ്റേ ഉടമയും ജീവനക്കാരില്‍ ചിലരും പട്ടിണിക്കിടുകയും ക്രൂരമായി മര്‍ദിക്കുകയും ചെയ്യുകയായിരുന്നു. മുതലമട ഊര്‍ക്കുളം വനമേഖലയിലെ 12ാം വാര്‍ഡിലെ ഫാംസ്റ്റേയിലെ ജീവനക്കാര്‍ക്കെതിരെയാണ് പരാതി. ഫാംസ്റ്റേയില്‍ ജോലിക്കെത്തിയ വെള്ളയന്‍ പുറത്തു വച്ചിരുന്ന മദ്യക്കുപ്പിയില്‍ നിന്നും മദ്യമെടുത്ത് കുടിച്ചത് ശ്രദ്ധയില്‍പ്പെട്ട ജീവനക്കാരാണ് വെള്ളയനെ പിടിച്ചു …

പാലക്കാട്: പിതാവിനൊപ്പം സ്‌കൂളിലേക്ക് പോകുന്നതിനിടെ ബൈക്ക് മറിഞ്ഞുണ്ടായ അപകടത്തില്‍ രണ്ടാംക്ലാസുകാരിക്ക് ദാരുണാന്ത്യം. ബൈക്കില്‍ നിന്നും റോഡിലേക്ക് തെറിച്ചു വീണ കുട്ടിയുടെ ശരീരത്തിലൂടെ തൊട്ടുപിന്നാലെയെത്തിയ ബസ് കയറിയിറങ്ങുകയായിരുന്നു. കൊഴിഞ്ഞാമ്പാറ പഴണിയാര്‍പാളയം സ്വദേശികളുടെ മകള്‍ നഫീസത്ത് മിസ്രിയയാണ് മരിച്ചത്. കൊഴിഞ്ഞാമ്പാറ സെന്റ് പോള്‍സ് ഇംഗ്ലീഷ് മീഡിയം സ്‌കൂളിലെ വിദ്യാര്‍ത്ഥിനിയായിരുന്നു. പാലക്കാട് കൊഴിഞ്ഞാമ്പാറയിലെ അത്തിക്കോടു വച്ച് ഇന്ന് രാവിലെ ഒന്‍പത് മണിയോടെയാണ് അപകടമുണ്ടായത്. മറ്റൊരു വാഹനത്തെ മറികടക്കുന്നതിനിടെ ബൈക്ക് മറിയുകയായിരുന്നു. തൊട്ടുപിന്നാലെ അമിതവേഗത്തിലെത്തിയ ബസ് …

പാലക്കാട്: കൃഷിയിടത്തില്‍ തേങ്ങ ശേഖരിക്കാന്‍ പോയ കര്‍ഷകന്‍ ഷോക്കേറ്റ് മരിച്ചു. ഓലശേരി സ്വദേശി മാരിമുത്തു (72) നാണ് കൃഷിയിടത്തില്‍ പൊട്ടിവീണ വൈദ്യുതക്കമ്പിയില്‍ നിന്ന് ഷോക്കേറ്റത്. പറമ്പിലുണ്ടായിരുന്ന ഷെഡ്ഡിലേക്ക് വൈദ്യുതി എത്തിക്കുന്ന ലൈന്‍പൊട്ടിക്കിടക്കുന്നത് അറിയാതെ അപകടത്തില്‍ പെടുകയായിരുന്നു. തേങ്ങയെടുക്കാനായി മാരിമുത്തുവാണ് ദിവസവും പറമ്പിലെത്താറുണ്ടായിരുന്നത്. ഏറെസമയം കഴിഞ്ഞും മാരിമുത്തു തിരിച്ചെത്താത്തതിനെ തുടര്‍ന്ന് വീട്ടുകാര്‍ നടത്തിയ തിരച്ചിലില്‍ മരിച്ച നിലയില്‍ കണ്ടെത്തുകയായിരുന്നു. ട്രാന്‍സ്‌ഫോമര്‍ ഓഫ് ചെയ്താണ് മൃതദേഹം മാറ്റാനായത്. പ്രദേശത്ത് ഇന്നലെ ശക്തമായ കാറ്റുണ്ടായിരുന്നു. …