Tag Archives: kozhikode

കോഴിക്കോട്: ബേപ്പൂരില്‍ യുവാവിനെ പൊലീസ് ക്രൂരമായി മര്‍ദിച്ചെന്ന് പരാതി. ബേപ്പൂര്‍ സ്വദേശി അനന്തുവിനാണ് മര്‍ദനമേറ്റത്. എ്.ഐ അടക്കം നാല് പാര്‍ മര്‍ദിച്ചെന്നാണ് പരാതിയില്‍ പറയുന്നത്. ഗുരുതരമായി പരിക്കേറ്റ അനന്തു കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ബൈക്കില്‍ മൂന്ന് പേര്‍ സഞ്ചരിച്ചതിന് പൊസീസ് സ്റ്റേഷനില്‍ കൊണ്ടുപോയെന്നാണ് അനന്തു പറയുന്നത്. കഞ്ചാവ് കൈവശം വെച്ചെന്ന് കാട്ടി അനന്തുവിനെതിരെ ബേപ്പൂര്‍ പൊലീസ് കേസെടുക്കുകയും ചെയ്തു.    

കോഴിക്കോട്: കൊയിലാണ്ടിയിലെ കെ.പി.എം.എസ്.എസ് ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥി റാഗിങ്ങിന് ഇരയായെന്ന് പരാതി. സീനിയര്‍ വിദ്യാര്‍ഥികള്‍ കൂട്ടംചേര്‍ന്ന് മര്‍ദിച്ചതായി കുട്ടിയുടെ രക്ഷിതാവ് ആരോപിച്ചു. സീനിയര്‍ വിദ്യാര്‍ഥികള്‍ നല്‍കിയ മിഠായി സ്വീകരിച്ചില്ലെന്ന് പറഞ്ഞ് കുട്ടിയെ മര്‍ദിച്ചെന്ന് രക്ഷിതാവ് പറഞ്ഞു. മര്‍ദനത്തില്‍ പരിക്കേറ്റ വിദ്യാര്‍ഥിയെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. രക്ഷിതാക്കള്‍ കൊയിലാണ്ടി പൊലീസ് സ്റ്റേഷനില്‍ പരാതി നല്‍കിയിട്ടുണ്ട്. പരാതിയുമായി ബന്ധപ്പെട്ട് സ്‌കൂള്‍ അധികൃതരില്‍ നിന്ന് റിപ്പോര്‍ട്ട് തേടിയതായും …

കോഴിക്കോട്: കെ.എസ്.ആര്‍.ടി.സി ബസില്‍ യുവതിക്ക് നേരെ ലൈംഗികാതിക്രമം നടത്തിയ കേസില്‍ യുവാവ് അറസ്റ്റില്‍. വടകര സ്വദേശി സവാദ് ആണ് പിടിയിലായത്. മലപ്പുറത്തേക്ക് പോവുന്ന ബസിലാണ് സംഭവം. ജൂണ്‍ 14ന് നടന്ന സംഭവത്തില്‍ യുവതി നല്‍കിയ പരാതിയുടെ അടിസ്ഥാനത്തിലാണ് നടപടി. 2023ല്‍ നെടുമ്പാശേരിയില്‍ വെച്ച് കെ.എസ്.ആര്‍.ടി.സി ബസില്‍ യുവതിക്ക് നേരെ നഗ്‌നതാ പ്രദര്‍ശനം നടത്തിയ കേസില്‍ അറസ്റ്റിലായി ജാമ്യത്തിലിറങ്ങിയ ആളാണ് സവാദ്. അന്ന് സവാദിന് ഓള്‍ കേരള മെന്‍സ് അസോസിയേഷന്‍ സ്വീകരണം …

കോഴിക്കോട്: നന്തി മേല്‍പ്പാലത്തില്‍ ബസുകള്‍ തമ്മില്‍ കൂട്ടിയിടിച്ച് നിരവധി യാത്രക്കാര്‍ക്ക് പരിക്ക്. കോഴിക്കോട് നിന്ന് കണ്ണൂരിലേക്ക് പോകുകയായിരുന്ന ബസും കണ്ണൂരില്‍ നിന്ന് കോഴിക്കോടേക്ക് പോകുകയായിരുന്ന ബസും തമ്മിലാണ് കൂട്ടിയിടിച്ചത്. പരിക്കേറ്റവരെ കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു. ഇവരില്‍ ചിലര്‍ക്ക് സാരമായ പരിക്കേറ്റതായാണ് ആശുപത്രി വൃത്തങ്ങള്‍ അറിയിച്ചത്.

കോഴിക്കോട്: മാവൂരിൽ മരം കടപുഴകി വീണ് രണ്ട് പേർക്ക് പരിക്കേറ്റു. തോറക്കാളിൽ കദീജ, സഹോദരി ഉമ്മത്തി എന്നിവർക്കാണ് പരിക്കേറ്റത്. ഇവരെ മുക്കത്തെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. വീടിന്റെ മേൽക്കൂരയും ചുമരും തകർന്നു. ശക്തമായ കാറ്റിൽ പുലർച്ചെ രണ്ട് മണിയോടെയാണ് അപകടം ഉണ്ടായത്.

കോഴിക്കോട്: ജില്ലയിലെ മലയോര മേഖലകളിൽ ശക്തമായ തുടരുകയാണ്. വിലങ്ങാട് മഴവെള്ളപ്പാച്ചലിൽ പുഴയിൽ ജലനിരപ്പ് ഉയർന്നു. ചാത്തമം​ഗലം കൂടാലിൽകടവിൽ ഒരാൾ പുഴയിൽ വീണെന്ന സംശയത്തിന്റെ അടിസ്ഥാനത്തിൽ തിരച്ചിൽ ആരംഭിച്ചിട്ടുണ്ട്. വിലങ്ങാട് ഉൾപ്പടെ ശനിയാഴ്ച രാത്രി മുതൽ ശക്തമായ മഴയാണ് തുടരുന്നത്. നിലവിൽ കോഴിക്കോട് ഉൾപ്പടെ വടക്കൻ ജില്ലകളിൽ റെഡ് അലേർട്ട് നൽകിയിട്ടുണ്ട്.

കോഴിക്കോട്: താമരശേരിയിൽ ബുള്ളറ്റ് വാടകക്ക് നൽകി വിദ്യാർഥിയെ മർദിച്ച് പണം തട്ടിയതായി പരാതി. പൂക്കോട് സ്വദേശിയായ പത്താംക്ലാസ് വിദ്യാർഥിക്കാണ് മർദനമേറ്റത്. കൊടുവള്ളി സ്വദേശി ജൈസൽനെതിരെ കുട്ടിയുടെ കുടുംബം പരാതി നൽകിയിട്ടുണ്ട്. വാടകക്ക് നൽകിയ ബുള്ളറ്റ് തിരികെ നൽകിയപ്പോൾ കേടുപാടുകൾ ഉണ്ടെന്ന് ചൂണ്ടിക്കാട്ടി കൂടുതൽ പണം ആവശ്യപ്പെടുകയായിരുന്നു. കുട്ടിയെ തട്ടിക്കൊണ്ട് പോയി മർദിച്ചെന്നും പരാതിയിൽ പറയുന്നുണ്ട്.

കോഴിക്കോട്: സ്കൂട്ടറിലെത്തിയ സംഘം സ്വകാര്യ ബാങ്ക് ജീവനക്കാരനിൽ നിന്ന് പണം കവർന്നു. 40 ലക്ഷം രൂപയാണ് തട്ടിയെടുത്തത്. പന്തീരങ്കാ​വിലാണ് കവർച്ച നടന്നത്. ഇസാഫ് ബാങ്കിലെ ജീവനക്കാരിൽ നിന്നാണ് ബൈക്കിലെത്തിയ സംഘം 40 ലക്ഷം രൂപ കവർന്നത്. പ്രതികൾ കറുത്ത ജൂപിറ്ററിൽ രക്ഷപ്പെടുകയായിരുന്നു.  

കോഴിക്കോട്: കോഴിക്കോട് ചരക്ക് കപ്പലിന് തീപിടിച്ചു. ബേപ്പൂര്‍ തുറമുഖത്ത് നിന്ന് 45 മൈല്‍ അകലെയാണ് അപകടം ഉണ്ടായത്. കൊളംബോയില്‍ നിന്ന് മുംബൈയിലേക്ക് പോയ ചരക്ക് കപ്പലാണ് അപകടത്തില്‍ പെട്ടത്. കപ്പലില്‍ 22 ജീവനക്കാര്‍ ഉണ്ടെന്നാണ് റിപ്പോര്‍ട്ട്. കോസ്റ്റ് ഗാര്‍ഡും നേവിയും സ്ഥലത്തേക്ക് തിരിച്ചിട്ടുണ്ട്. കപ്പലില്‍ അപകടകരമായ രാസവസ്ഥുക്കള്‍ ഉണ്ടെന്നാണ് റിപ്പോര്‍ട്ട്. കപ്പലില്‍ ഉണ്ടായിരുന്ന 22 പേരില്‍ 18 പേര്‍ തീപിടിത്തം ഉണ്ടായപ്പോള്‍ കടലിലേക്ക് ചാടിയെന്നാണ് നാവികസേന അറിയിച്ചത്. ഇവരെ കോസ്റ്റ് …

കോഴിക്കോട്: കോഴിക്കോട് താമരശ്ശേരിയില്‍ വിഷ കൂണ്‍ കഴിച്ച് ആറു പേര്‍ക്ക് ഭക്ഷ്യവിഷബാധയേറ്റു. പൂനൂര്‍ അത്തായക്കുന്നുമ്മല്‍ അബൂബക്കര്‍ , ഷബ്ന , സൈദ , ഫിറോസ് , ദിയ ഫെബിന്‍ , മുഹമ്മദ് റസാന്‍ എന്നിവര്‍ക്കാണ് ഭക്ഷ്യവിഷബാധയേറ്റത്. ഇവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇന്നലെ വൈകീട്ട് നോമ്പ് തുറക്കുന്ന സമയത്തായിരുന്നു ഇവര്‍ പാകം ചെയ്ത കൂണ്‍ കഴിച്ചത്. ചര്‍ദ്ദിയെ തുടര്‍ന്ന് താമരശ്ശേരി താലൂക്ക് ആശുപത്രിയില്‍ പ്രവേശിപ്പിച്ച ഇവരെ മെഡിക്കല്‍ കോളേജ് …