DeToor reflective wanderings…
Related Articles
കോഴിക്കോട്: സിനിമാ കോണ്ക്ലേവിലെ ചലച്ചിത്ര പ്രവര്ത്തകന് അടൂരിന്റെ അധിക്ഷേപകരമായ പരാമര്ശത്തിനെതിരെ ഉന്നത വിദ്യഭ്യാസ മന്ത്രി. ‘വിശ്വചലച്ചിത്ര വേദികളില് വിഹരിച്ചിട്ട് കാര്യമില്ല; ഹൃദയ വികാസമുണ്ടാകണം. മനുഷ്യനാകണം’ എന്നായിരുന്നു മന്ത്രി ബിന്ദുവിന്റെ ഫെയ്സ്ബുക്ക് പോസ്റ്റ്.
സ്ത്രീകള്ക്കും ദളിത് വിഭാഗങ്ങള്ക്കും സിനിമ നിര്മിക്കാന് സര്ക്കാര് നല്കുന്ന ഫണ്ടിലായിരുന്നു അടൂര് ഗോപാലകൃഷ്ണന്റെ വിവാദ പരാമര്ശം. സര്ക്കാരിന്റെ ഫണ്ടില് സിനിമ നിര്മിക്കാന് ഇറങ്ങുന്നവര്ക്ക് മൂന്ന് മാസത്തെ ഇന്റന്സീവ് ട്രെയിനിങ് കൊടുക്കണമെന്ന് അടൂര് പറഞ്ഞിരുന്നു. സര്ക്കാര് പട്ടികജാതി പട്ടികവര്ഗത്തിന് നല്കുന്ന പണം ഒന്നരക്കോടിയാണ്. അഴിമതിക്കുള്ള വഴിയുണ്ടാക്കുകയാണെന്ന് താന് മുഖ്യമന്ത്രിയോട് പറഞ്ഞിരുന്നു. ഉദ്ദേശ്യം വളരെ നല്ലതാണ്. എന്നാല് ഈ തുക മൂന്ന് പേര്ക്കായി നല്കണം. മൂന്ന് മാസത്തെ പരിശീലനം നല്കണം. അവര്ക്ക് മൂന്ന് മാസം വിദഗ്ദരുടെ പരിശീലനം നല്കണമെന്നും അടൂര് പറഞ്ഞിരുന്നു.
അധിക്ഷേപ പരാമര്ശത്തിനെതിരെ സമൂഹത്തിന്റെ വിവിധ കോണുകളില് നിന്ന് അടൂരിനെതിരെ വിമര്ശനമുയരുന്നുണ്ട്.
