DeToor reflective wanderings…
Related Articles
കൊച്ചി: അരുന്ധതി റോയിയുടെ ഏറ്റവും പുതിയ പുസ്തകം ‘മദര്‍ മേരി കംസ് ടു മി’ എന്ന പുസ്തകത്തിനെതിരെ ഹൈക്കോടതിയില്‍ ഹരജി. പുസ്തകത്തിന്റെ കവര്‍ ചിത്രമായി പുകവലിക്കുന്ന ചിത്രമാണുള്ളത്. പുകവലിക്കുന്ന ചിത്രം നിയമപരമായ മുന്നറിയിപ്പില്ലാതെ പ്രസിദ്ധീകരിച്ചെന്നും ആയതിനാല്‍ പുസ്തകം വില്‍ക്കുന്നത് തടയണമെന്നുമാണ് ഹരജിക്കാരന്റെ വാദം. ഇതില്‍ കേന്ദ്രസര്‍ക്കാരിനോടും പുസ്തക പ്രസാധകരോടും ഹൈക്കോടതി വിശദീകരണം തേടിയിട്ടുണ്ട്. ചീഫ് ജസ്റ്റിസ് നിതിന്‍ ജാംദാര്‍, ജസ്റ്റിസ് ബസന്ത് ബാലാജി എന്നിവരടങ്ങിയ ഡിവിഷന്‍ ബെഞ്ചാണ് ഹരജി പരിഗണിച്ചത്
അഭിഭാഷകനായ രാജസിംഹന്‍ ആണ് ഹരജിക്കാരന്‍. സിഗരറ്റിന്റെയും മറ്റ് പുകയില ഉത്പന്നങ്ങളുടെയും പരസ്യം, വിപണനം, ഉല്‍പാദനം എന്നിവയുടെ നിയന്ത്രണം സംബന്ധിച്ച 2013-ലെ നിയമത്തിലെ സെക്ഷന്‍ 5 പുസ്തകം ലംഘിച്ചെന്നാണ് ഹരജിയില്‍. നേരിട്ടോ അല്ലാതെയോ സിഗരറ്റിന്റെ ഉപയോഗം പ്രോത്സാഹിപ്പിക്കുന്ന പരസ്യങ്ങള്‍ പാടില്ലെന്ന് നിയമത്തിലുണ്ട്. അരുന്ധതി റോയിയുടെ പുസ്തകത്തിന്റെ കവര്‍ ‘ബൗദ്ധിക ധാര്‍ഷ്ട്യം’ ആണെന്നാണ് ഹരജിക്കാരന്റെ വാദം. കവര്‍ പേജ് പുകവലിക്ക് അനുകൂലമായ പരസ്യത്തിന് തുല്യമാണെന്നും ഹര്‍ജിക്കാരന്‍ വാദിച്ചു. കൂടുതല്‍ വാദം കേള്‍ക്കുന്നതിനായി ഹരജി സെപ്തംബര്‍ 25ലേക്ക് മാറ്റിയിട്ടുണ്ട്.
