DeToor reflective wanderings…
Related Articles
തിരുവനന്തപുരം: തൊഴിലുറപ്പ് പദ്ധതിയില് അംഗങ്ങളായ തൊഴിലാളികള്ക്ക് 1200 രൂപ വീതം സര്ക്കാരിന്റെ ഓണസമ്മാനം. ഇതിനായി 51.96 കോടി രൂപ നീക്കി വച്ചതായി ധനമന്ത്രി കെ.എന് ബാലഗോപാല് അറിയിച്ചു. 5,25,991 ആളുകള്ക്കാണ് ആനുകൂല്യം ലഭിക്കുക. കഴിഞ്ഞ തവണ 1000 രൂപയായിരുന്നു നല്കിയിരുന്നത്.
കഴിഞ്ഞ സാമ്പത്തിക വര്ഷം100 പ്രവര്ത്തിദിനം പൂര്ത്തിയാക്കിയ 5,19,623 പേര്ക്കാണ് ആനുകൂല്യം ലഭിക്കുക. സംസ്ഥാന സര്ക്കാര് നടപ്പാക്കിയിട്ടുള്ള അയ്യന്കാളി നഗര തൊഴിലുറപ്പ് പദ്ധതിയില് കഴിഞ്ഞ സാമ്പത്തിക വര്ഷം 100 ദിവസമെങ്കിലും തൊഴിലെടുത്ത 6,368 തൊഴിലാളികള്ക്ക് ബത്ത ലഭിക്കും. ഇതിനായി 63.68 ലക്ഷം രൂപ അനുവദിച്ചു.
സ്പെഷ്യല് സ്കൂളുകളിലെ അധ്യാപക-അനധ്യാപക ജീവനക്കാര്ക്ക് 1,250 രൂപ ലഭിക്കും. എസ്സി, എസ്ടി പ്രൊമോട്ടര്മാര്, ടൂറിസം വകുപ്പിലെ ലൈഫ് ഗാര്ഡുകള്, ആഭ്യന്തര വകുപ്പിന് കീഴിലെ ഹോം ഗാര്ഡുകള് ഉള്പ്പെടെയുള്ളവര്ക്ക് 1,460 രൂപ വീതം ലഭിക്കും. കഴിഞ്ഞ വര്ഷം ഉത്സവബത്ത ലഭിച്ച മുഴുവന് പേര്ക്കും 250 രൂപ വര്ധനവ് സഹിതം ഇത്തവണയും ആനുകൂല്യത്തിന് അര്ഹതയുണ്ടാകും.
