DeToor reflective wanderings…
Related Articles
ഇടുക്കി: ഇടുക്കി പെരുങ്കാലയില്‍ വീട്ടില്‍ വച്ച് പ്രസവമെടുക്കുന്നതിനിടെ നവജാത ശിശു മരിച്ചു. ഇടുക്കി മണിയാറന്‍കുടിയിലാണ് സംഭവം. പാസ്റ്ററായി ജോലി ചെയ്യുന്ന ജോണ്‍സന്റെയും ബിജിയുടെയും കുഞ്ഞാണ് മരിച്ചത്. അസ്വാഭാവിക മരണത്തിന് പോലീസ് കേസെടുത്തിട്ടുണ്ട്.
വിശ്വാസ പ്രകാരം ആശുപത്രിയില്‍ ചികിത്സ തേടരുതെന്ന വിശ്വാസങ്ങള്‍ സൂക്ഷിക്കുന്ന വിഭാഗത്തില്‍ പെട്ടവരാണ് ജോണ്‍സണും ബിജിയും. തിരുവല്ലയില്‍ ജോലി ചെയ്യുന്ന ജോണ്‍സണും കുടുംബവും കുറച്ചു നാള്‍ മുന്‍പാണ് മണിയാറന്‍കുടിയില്‍ വാടകക്ക് താമസിക്കാന്‍ തുടങ്ങിയത്. കുഞ്ഞ് മരിച്ച വിവരമറിഞ്ഞ് ആരോഗ്യ വകുപ്പ് ജീവനക്കാര്‍ വീട്ടിലെത്തിയെങ്കിലും ഇവര്‍ ആശുപത്രിയില്‍ പോകാന്‍ തയ്യാറായില്ല.
രക്തസ്രാവമുണ്ടായി അവശനിലയിലായ വിജിയെ നാട്ടുകാരും ആരോഗ്യപ്രവര്‍ത്തകരും പോലീസിന്റെ സഹായത്തോടെയാണ് ആശുപത്രിയിലേക്ക് മാറ്റിയത്. വാര്‍ഡ് മെമ്പര്‍ ഉള്‍പ്പെടെയുള്ളവര്‍ പലതവണ ആശുപത്രിയില്‍ പോകാന്‍ ദമ്പതികളോട് പറഞ്ഞെങ്കിലും കര്‍ത്താവ് രക്ഷിക്കുമെന്നു പറഞ്ഞ് വീട്ടില്‍ തന്നെ തുടരുകയായിരുന്നെന്ന് നാട്ടുകാര്‍ പറഞ്ഞു. ദമ്പതികള്‍ക്ക് രണ്ട് കുട്ടികള്‍ കൂടിയുണ്ട്. പോസ്റ്റുമോര്‍ട്ടത്തിനു ശേഷം തുടര്‍ നടപടികള്‍ സ്വീകരിക്കുമെന്ന് പോലീസ് അറിയിച്ചു.
