DeToor reflective wanderings…
കോഴിക്കോട്: നരിക്കുനി ബസ് സ്റ്റാന്‍ഡില്‍ എത്തുന്നവര്‍ ലഹരി ഉപയോഗിക്കാത്തവര്‍ ആണെങ്കില്‍ കയ്യില്‍ പണം ഇല്ലെങ്കിലും വിശന്ന് വലയേണ്ടി വരില്ല. ഇവിടുത്തെ സുല്‍ത്താന്‍ ഹോട്ടലാണ് പണം ഇല്ലാത്തവര്‍ക്ക് സൗജന്യ ഭക്ഷണം വാഗ്ദാനം ചെയ്തിരിക്കുന്നത്. ലഹരി ഉപയോഗിക്കാത്തവര്‍ക്കു മാത്രമെന്ന നിബന്ധനയോടെ സൗജന്യ ഭക്ഷണം നല്‍കുമെന്ന് കാണിച്ച് ഹോട്ടലിനു പുറത്ത് ബോര്‍ഡ് സ്ഥാപിച്ചിട്ടുണ്ട്.
അര്‍ഹരായവര്‍ക്കു ഭക്ഷണം നല്‍കി സഹായിക്കാനുള്ള സന്നദ്ധതയും ലഹരിക്കെതിരെയുള്ള സന്ദേശവുമാണ് ഒരേ സമയം മുന്നോട്ടുവയ്ക്കുന്നതെന്നു സുല്‍ത്താന്‍ ഹോട്ടല്‍ ഉടമ കെ.സലീം പറഞ്ഞു. ഇതിനകം ഒട്ടേറെ ആളുകള്‍ ഈ സൗകര്യം പ്രയോജനപ്പെടുത്തിയിട്ടുണ്ട്.
Comments
