മി​ല്ലു​ട​മ​ക​ളു​ടെ പി​ടി​വാ​ശി​ക്ക്​ മു​ന്നി​ൽ തോ​റ്റ്​ ക​ർ​ഷ​ക​ർ

അ​മ്പ​ല​പ്പു​ഴ:  മി​ല്ലു​കാ​ർ നി​ശ്ച​യി​ച്ച 15 കി​ലോ പ്ര​കാ​രം കി​ഴി​വു​ന​ല്‍കി നെ​ല്ലെ​ടു​പ്പ് ആ​രം​ഭി​ച്ചു. പു​ഞ്ച​കൃ​ഷി​യി​ല്‍ ആ​ഴ്ച​ക​ളാ​യി കൊ​യ്തു​കൂ​ട്ടി​യ നെ​ല്ല് മി​ല്ലു​ട​മ​ക​ള്‍ സം​ഭ​രി​ക്കാ​ന്‍ ത​യാ​റാ​യി​രു​ന്നി​ല്ല. അ​പ്ര​തീ​ക്ഷി​ത വേ​ന​ല്‍മ​ഴ ക​ര്‍ഷ​ക​രെ ആ​ശ​ങ്ക​യി​ലാ​ക്കി​യി​രു​ന്നു. തു​ട​ർ​ന്ന്​ മി​ല്ലു​ട​മ​ക​ളു​ടെ പി​ടി​വാ​ശി​ക്ക്​ വ​ഴ​ങ്ങി 15 കി​ലോ കി​ഴി​വ്​ അം​ഗീ​ക​രി​ക്കാ​ൻ ക​ര്‍ഷ​ക​ര്‍ നി​ർ​ബ​ന്ധി​ത​രാ​യി. മി​ല്ലു​ട​മ​ക​ൾ​ക്ക് ഒ​ത്താ​ശ​യു​മാ​യി സി​വി​ൽ സ​പ്ലൈ​സ് വ​കു​പ്പ്​ ഉ​ദ്യോ​ഗ​സ്ഥ​രും നി​ന്ന​താ​ണ് ക​ര്‍ഷ​ക​രെ വ​ഴ​ങ്ങാ​ൻ നി​ർ​ബ​ന്ധി​ത​രാ​ക്കി​യ​ത്.ബു​ധ​നാ​ഴ്ച മു​ത​ല്‍ പു​ന്ന​പ്ര വെ​ട്ടി​ക്ക​രി പാ​ട​ശേ​ഖ​ര​ത്തെ നെ​ല്ല്​ മി​ല്ലു​കാ​ര്‍ ശേ​ഖ​രി​ച്ച് തു​ട​ങ്ങി. ഒ​രു ക്വി​ന്‍റ​ല്‍ നെ​ല്ലെ​ടു​ക്കു​മ്പോ​ള്‍ 15 കി​ലോ കി​ഴി​വ് വ​രു​ത്തു​ന്ന​തി​നാ​ൽ 85 കി​ലോ നെ​ല്ലി​ന്‍റെ വി​ല​യാ​ണ് ക​ര്‍ഷ​ക​ര്‍ക്ക് ല​ഭി​ക്കു​ന്ന​ത്. ചു​മ​ട്, ക​യ​റ്റി​യി​റ​ക്ക് ഇ​ന​ത്തി​ല്‍ ക​ര്‍ഷ​ക​ര്‍ ഒ​രു ക്വി​ന്‍റ​ലി​ന്‍റെ കൂ​ലി ത​ന്നെ ന​ല്‍ക​ണം. അ​പ്പ​ര്‍കു​ട്ട​നാ​ട് മേ​ഖ​ല​യി​ല്‍ ഏ​ക്ക​റി​ന് മൂ​ന്ന് മു​ത​ല്‍ നാ​ല് ക്വി​ന്‍റ​ല്‍ വ​രെ വി​ള​വ് ല​ഭി​ക്കാ​റു​ണ്ട്. എ​ന്നാ​ല്‍, ഓ​രു​വെ​ള്ളം ക​യ​റി​യ​തോ​ടെ ഏ​ക്ക​റി​ന് ഒ​ന്ന​ര ക്വി​ന്‍റ​ല്‍ നെ​ല്ലാ​ണ് ല​ഭി​ച്ച​ത്. കൃ​ഷി​ച്ചെ​ല​വ് പ​തി​വി​ലും ഇ​ര​ട്ടി​യാ​യി. ഇ​തി​നി​ടെ​യാ​ണ് നെ​ല്ലി​ന്‍റെ നി​ല​വാ​രം കു​റ​വാ​ണെ​ന്ന​തി​ന്‍റെ പേ​രി​ല്‍ പാ​ഡി ഉ​ദ്യോ​ഗ​സ്ഥ​രു​ടെ ഒ​ത്താ​ശ​യോ​ടെ മി​ല്ലു​കാ​ര്‍ തൂ​ക്ക​ത്തി​ല്‍ കു​റ​വ് വ​രു​ത്തി നെ​ല്ലെ​ടു​പ്പ് ന​ട​ത്തി​യ​ത്.അ​മ്പ​ല​പ്പു​ഴ വ​ട​ക്ക്, പു​ന്ന​പ്ര തെ​ക്ക്, നാ​ലു​പാ​ടം, ക​പ്പാം​വേ​ലി, ഒ​റ്റ​വേ​ലി, നാ​നേ​കാ​ട് പാ​ട​ശേ​ഖ​ര​ങ്ങ​ളി​ൽ കൊ​യ്​​ത്തു ക​ഴി​ഞ്ഞ് കൂ​ട്ടി​യി​ട്ട നെ​ല്ലാ​ണ് എ​ടു​ക്കാ​നു​ണ്ടാ​യി​രു​ന്ന​ത്. വെ​ട്ടി​ക്ക​രി പാ​ട​ശേ​ഖ​ര​ത്തി​ൽ ഏ​താ​നും ആ​ഴ്ച​ക​ൾ​ക്ക് മു​മ്പ്​ ത​ന്നെ ഇ​വി​ടെ കൊ​യ്ത്ത് പൂ​ർ​ത്തി​യാ​ക്കി​യി​രു​ന്നു. ഒ​രേ​ക്ക​ർ കൊ​യ്യു​ന്ന​തി​ന് 2100 രൂ​പ നി​ര​ക്കി​ൽ യ​ന്ത്ര​മു​പ​യോ​ഗി​ച്ചാ​ണ് കൊ​യ്ത്ത് പൂ​ർ​ത്തി​യാ​ക്കി​യ​ത്. കൃ​ഷി​ച്ചെ​ല​വി​ന​ത്തി​ല്‍ ഏ​ക്ക​റി​ന് ഇ​ത്ത​വ​ണ 30,000 രൂ​പ മു​ത​ല്‍ 40,000 രൂ​പ വ​രെ ചെ​ല​വ് വ​ന്ന​താ​യി പ​ല ക​ര്‍ഷ​ക​രും പ​റ​യു​ന്നു. കാ​ര്‍ഷി​ക വാ​യ്പ​യും പ​ലി​ശ​ക്ക് പ​ണം വാ​ങ്ങി​യു​മാ​ണ് കൃ​ഷി​ചെ​യ്ത​ത്.ഇ​തി​നി​ടെ​യാ​ണ് ക​ര്‍ഷ​ക​രെ ആ​ശ​ങ്ക​യി​ലാ​ക്കി ഓ​രു​വെ​ള്ളം ക​യ​റി​യ​ത്. ഡാം ​തു​റ​ന്ന് ഒ​രു​വെ​ള്ളം നി​യ​ന്ത്രി​ക്കാ​നു​ള്ള ന​ട​പ​ടി​ക​ള്‍ എ​ടു​ക്ക​ണ​മെ​ന്ന് ക​ര്‍ഷ​ക​ര്‍ പ​ല​ത​വ​ണ ആ​വ​ശ്യ​പ്പെ​ട്ടി​ട്ടും അ​ധി​കൃ​ത​ര്‍ ന​ട​പ​ടി സ്വീ​ക​രി​ച്ചി​ല്ല.തു​ട​ര്‍ന്ന് നി​ര​വ​ധി പ്ര​തി​ഷേ​ധ​ങ്ങ​ളും ക​ല​ക്ട​റേ​റ്റ് ഉ​പ​രോ​ധം ഉ​ള്‍പ്പെ​ടെ ന​ട​ത്തി​യ​ശേ​ഷ​മാ​ണ് ന​ട​പ​ടി​യാ​യ​ത്. അ​പ്പോ​ഴേ​ക്കും ഓ​രു​വെ​ള്ളം ക​യ​റി പ​ല പാ​ട​ശേ​ഖ​ര​ങ്ങ​ളി​ലെ​യും നെ​ല്ല് നാ​ശ​ത്തി​ന്‍റെ വ​ക്കി​ലെ​ത്തി. ഇ​തി​ന്​ ന​ഷ്ട​പ​രി​ഹാ​രം ന​ൽ​ക​ണ​മെ​ന്ന ആ​വ​ശ്യം ശ​ക്​​ത​മാ​ണ്. സ​ർ​ക്കാ​ർ ക​നി​ഞ്ഞെ​ങ്കി​ലേ ന​ഷ്ട​പ​രി​ഹാ​രം ല​ഭി​ക്കൂ.