DeToor reflective wanderings…
Related Articles
കോഴിക്കോട്: പേരാമ്പ്രയിലെ കൂത്താളിയില് ചുഴലിക്കാറ്റില് വ്യാപക നാശം. നിരവധി വീടുകളുടെ മേല്ക്കൂര കാറ്റില് തകര്ന്നു. ഇന്ന് പുലര്ച്ചെ നാല് മണിയോടെയാണ് പേരാമ്പ്രയുടെ വിവിധ പ്രദേശങ്ങളില് ചുഴലിക്കാറ്റടിച്ചത്. കാറ്റില് ഇലക്ട്രിക്ക് പോസ്റ്റുകളടക്കം നിലംപൊത്തി. ആളുകള്ക്ക് അപകടം പറ്റിയില്ലെങ്കിലും കൂത്താളിയിലാകെ വ്യാപക നാശനഷ്ടങ്ങളാണ് റിപ്പോര്ട്ട് ചെയ്തത്.
കഴിഞ്ഞദിവസം നല്ലളത്തും ഇത്തരത്തില് ചുഴലിക്കാറ്റ് വീശിയിരുന്നു. ഇത്തരത്തില് കോഴിക്കോട് മേഖലയില് ഒറ്റപ്പെട്ടയിടങ്ങളില് അടുത്തിടെ ചുഴലിക്കാറ്റുകള് റിപ്പോര്ട്ട് ചെയ്തിരുന്നു. റെയില്വേ ട്രാക്കിലേക്ക് മരം വീണ് ട്രെയിന് ഗതാഗതം തടസപ്പെടുകയും ചെയ്തിരുന്നു.
നിലവില് കോഴിക്കോട് റെഡ് അലേര്ട്ടാണ്. ഓറ്റപ്പെട്ട ഇടങ്ങളില് ഇടവിട്ട് ശക്തമായ മഴയാണ് ലഭിക്കുന്നത്. റെഡ് അലേര്ട്ടായതിനാല് ജില്ലയിലെ വിദ്യാഭ്യാസ സ്ഥാപനങ്ങള്ക്കും അവധി നല്കിയിട്ടുണ്ട്.
