News

കൊച്ചി: ഗാന്ധി പ്രതിമയെ അവഹേളിച്ചെന്ന കേസിൽ നിയമനടപടി നേരിടുന്ന വിദ്യാർത്ഥിക്കെതിരായ കേസും മറ്റ്  നിയമ നടപടികളും ഹൈക്കോടതി റദ്ദാക്കി. ആലുവ ചൂണ്ടി ഭാരത്​മാത സ്കൂൾ ഓഫ്​ ലീഗൽ സ്റ്റഡീസി​ൽ 2023 ഡിസംബർ 21 നാണ് കേസിന് ആസ്പദമായ സംഭവം നടന്നത്. കോളേജിൽ ക്രിസ്മസ് ആഘോഷങ്ങൾക്കിടെ കുറ്റാരോപിതൻ ഗാന്ധി പ്രതിമയ്ക്ക് കൂളിംഗ് ഗ്ലാസും റീത്തും ചാർത്തി അപമാനിച്ചു എന്നാണ് കേസ്. ഗാന്ധിജി മരിച്ചുപോയി എന്ന് വിദ്യാർത്ഥി വിളിച്ചു പറയുകയും ചെയ്തിരുന്നു. ഇത് …

തൃശൂർ: കനത്ത മഴയത്ത് ടാറിങ് നടത്തുക എന്നത് കേരളത്തിൽ മാത്രം നടക്കുന്ന കാര്യമാകും. തൃശൂരിൽ കോർപറേഷൻ പരിധിയിൽ ഇന്ന് അത്തരമൊരു സംഭവമുണ്ടായി. മാരാർ റോഡിൽ കോർപറേഷൻ പരിധിയിലുള്ള റോഡിലാണു മഴയ്ക്കിടെ ടാറിടാൻ തുടങ്ങിയത്. സംഭവം കണ്ട നാട്ടുകാർ ചിത്രങ്ങൾ സഹിതം ഇത് സമൂഹമാധ്യമങ്ങളിലൂടെ പ്രചരിപ്പിച്ചതോടെ കോർപറേഷൻ പണി നിർത്തിവയ്ക്കാൻ നിർദേശിക്കുകയായിരുന്നു.

കോഴിക്കോട്: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ വോട്ടര്‍ പട്ടികയില്‍ പേര് ചേര്‍ക്കാനുള്ള തീയതി നീട്ടണമെന്ന് പ്രതിപക്ഷ നേതാവ് വി.ഡി സതീഷന്‍. ഇതുസംബന്ധിച്ച് തിരഞ്ഞെടുപ്പ് കമ്മീഷന് വി.ഡി സതീഷന്‍ കത്ത് നല്‍കി. ജൂലൈ 23-ന് വോട്ടര്‍ പട്ടിക പ്രസിദ്ധീകരിച്ചതിന് ശേഷം ഓഗസ്റ്റ് 7 വരെ, 15 ദിവസം മാത്രമാണ് പേര് ചേര്‍ക്കാനുള്ള സമയം അനുവദിച്ചിരുന്നത്. പേര് ചേര്‍ക്കാന്‍ 15 ദിവസം കൂടി അധികമായി നല്‍കണമെന്നാണ് കത്തിലെ ആവശ്യം. ഓണ്‍ലൈന്‍ വഴി ചെയ്യേണ്ട …

ഇരുളം: മരിയനാട് റവന്യു ഭൂമി അളക്കാനെത്തിയ റവന്യു ഉദ്യോഗസ്ഥരെ കുടില്‍കെട്ടി താമസിക്കുന്ന കുടുംബങ്ങള്‍ തടഞ്ഞു. സ്ഥലത്തെത്തിയ ജില്ല സര്‍വേയര്‍ ഉള്‍പ്പെടെയുള്ള ഉദ്യോഗസ്ഥരും പ്രതിഷേധക്കാരും തമ്മില്‍ വാക്കു തര്‍ക്കമുണ്ടായി. പ്രതിഷേധത്തെ തുടര്‍ന്ന് സ്ഥലം അളക്കുന്നത് നിര്‍ത്തിവെച്ചു. മൂന്നര വര്‍ഷമായി ഭൂമിയില്‍ കുടില്‍കെട്ടി താമസമാരംഭിച്ച കുടുംബങ്ങള്‍ക്ക് സ്ഥലം നല്‍കാതെ കോടതി വിധിയുടെ പശ്ചാത്തലത്തില്‍ 15 പേര്‍ക്ക് മാത്രം ഭൂമി നല്‍കുന്നതിന് വേണ്ടി ഭൂമി അളന്ന് തിട്ടപ്പെടുത്തുന്നതിനായി എത്തിയ ഉദ്യോഗസ്ഥരെയാണ് ഇരുളം -മരിയനാട് സമരസമിതിയുടെ …

കല്‍പ്പറ്റ: കടന്നല്‍ കുത്തേറ്റ് വയനാട്ടില്‍ വയോധികന് ദാരുണാന്ത്യം. തരിയോട് എട്ടാം മൈല്‍ ചെറുമലയില്‍ ജോയ് പോള്‍ (55) ആണ് മരിച്ചത്. തിങ്കളാഴ്ച രാവിലെ പത്ത് മണിയോടെയായിരുന്നു ജോയിക്ക് കുത്തേറ്റത്. തേങ്ങ പറിക്കുന്നതിനിടെ തെങ്ങിലുണ്ടായിരുന്ന കടന്നല്‍ക്കൂടിളകി ജോയിയെ ആക്രമിക്കുകയായിരുന്നു. കല്‍പ്പറ്റ ഫാത്തിമ ആശുപത്രിയിലെത്തിച്ച് ചികിത്സ നല്‍കിയെങ്കിലും പുലര്‍ച്ചയോടെ മരിക്കുകയായിരുന്നു. സംസ്‌കാരം പിന്നീട് തരിയോട് സെന്റ് മേരീസ് ഫെറോന പള്ളി സെമിത്തേരിയില്‍ നടക്കും.

തിരുവനന്തപുരം: പ്രംനസീറിന്റെ മകനും നടനുമായ ഷാനവാസ് (70) അന്തരിച്ചു. തിങ്കളാഴ്ച രാത്രി 11.50ഓടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. വൃക്ക സംബന്ധമായ അസുഖത്തെ തുടര്‍ന്ന് ചികിത്സയിലായിരുന്നു. സംസ്‌കാരം ഇന്ന് വൈകീട്ട് 5ന് പാളയം മുസ്ലിം ജമാഅത്ത് ഖബര്‍സ്ഥാനില്‍. മലയാള സിനിമ രംഗത്ത് നായക- വില്ലന്‍ വേഷങ്ങളില്‍ സജീവ സാന്നിധ്യമായി തിളങ്ങിയിരുന്ന നടനായിരുന്നു ഷാനവാസ്. മലയാളം, തമിഴ് ഭാഷകളിലായി 96 സിനിമകളില്‍ അഭിനയിച്ചിട്ടുണ്ട്. 1981 ല്‍ ബാലചന്ദ്രമേനോന്‍ സംവിധാനം ചെയ്ത പ്രേമഗീതങ്ങള്‍ എന്ന …

കോഴിക്കോട്: യെമനിലെ ജയിലില്‍ വധശിക്ഷ വിധിക്കപ്പെട്ട് തടവില്‍ കഴിയുന്ന മലയാളി നഴ്‌സ് നിമിഷപ്രിയയുടെ ശിക്ഷ ഉടന്‍ നടപ്പിലാക്കണമെന്ന് തലാലിന്റെ സഹോദരന്‍. ശിക്ഷ ഉടന്‍ നടപ്പിലാക്കണമെന്നും ഇനിയൊരു ചര്‍ച്ചയ്ക്കില്ലെന്നും തലാലിന്റെ സഹോദരന്‍ അബ്ദുല്‍ ഫത്താഹ് മഹ്ദിയാണ് വ്യക്തമാക്കിയത്. വധശിക്ഷ നടപ്പിലാക്കാന്‍ പുതിയ തിയ്യതി തീരുമാനിക്കണമെന്നും പ്രോസിക്യൂഷന് നല്‍കിയ കത്തിലൂടെ മഹ്ദി ആവശ്യപ്പെട്ടു. ഇത് രണ്ടാംതവണയാണ് സഹോദരന്‍ വധശിക്ഷ എത്രയും വേഗം നടപ്പിലാക്കണമെന്ന് ആവശ്യപ്പെട്ട് കത്ത് നല്‍കുന്നത്. ജൂലൈ 16നായിരുന്നു ആദ്യം ശിക്ഷ …

കോഴിക്കോട്: അപകടങ്ങള്‍ ഉള്‍പ്പെടെയുള്ള അടിയന്തിര സാഹചര്യങ്ങളെ നേരിടാന്‍ അധ്യാപകരേയും വിദ്യാര്‍ത്ഥികളേയും സജ്ജരാക്കാന്‍ കര്‍മ്മപദ്ധതിയുമായി വിദ്യഭ്യാസ വകുപ്പ്. പ്രിന്‍സിപ്പലിന്റെ അധ്യക്ഷതയില്‍ 12 അംഗ സുരക്ഷ ഉപദേശക സമിതി രൂപീകരിച്ച് കര്‍മ്മ പദ്ധതി തയ്യാറാക്കാന്‍ വിദ്യഭ്യാസ വകുപ്പ് ഉത്തരവിട്ടു. ഇതിന്റെ ഭാഗമായി അധ്യാപകര്‍ക്കും വിദ്യാര്‍ത്ഥികള്‍ക്കും ദുരന്തനിവാരണ അതോറിറ്റിയുടെ നേതൃത്വത്തില്‍ പ്രത്യേക പരിശീലനം നല്‍കും. വര്‍ഷത്തില്‍ 2 തവണ വിദ്യാര്‍ത്ഥികളെ ഉള്‍പ്പെടുത്തി മോക്ഡ്രില്‍ നടത്തും. കൊല്ലം തേവലക്കര സ്‌കൂളില്‍ 8ാം ക്ലാസ് വിദ്യാര്‍ത്ഥി ഷോക്കേറ്റ് …

കോഴിക്കോട്: ഓണത്തിന് സബ്‌സിഡി നിരക്കില്‍ എല്ലാ കാര്‍ഡ് ഉടമകള്‍ക്കും രണ്ടുലിറ്റര്‍ വെളിച്ചെണ്ണ സപ്ലൈകോ വഴി നല്‍കുമെന്ന് മന്ത്രി ജി.ആര്‍ അനില്‍. പിടിവിട്ട് മുന്നേറുന്ന വെളിച്ചെണ്ണ വില നിയന്ത്രിക്കാന്‍ സര്‍ക്കാര്‍ തലത്തില്‍ ഇടപെടല്‍ ഉണ്ടാകുമെന്നും മന്ത്രി പറഞ്ഞു. ഒരു ലിറ്റര്‍ വെളിച്ചെണ്ണ 349 രൂപ സബ്‌സിഡി നിരക്കിലാണ് നല്‍കുക. അടുത്ത മാസം 4ന് മുന്‍പ് ഒരു ലിറ്റര്‍ കൂടെ ലഭിക്കും. ഇതുപ്രകാരം ഓണത്തിന് കാര്‍ഡ് ഉടമകള്‍ക്ക് രണ്ടുലിറ്റര്‍ വെളിച്ചെണ്ണ സബ്‌സിഡി നിരക്കില്‍ …

ചെങ്ങന്നൂര്‍: കന്യാസ്ത്രീകളുടെ അറസ്റ്റോടെ ക്രൈസ്തവര്‍ സംഘടിതരും വോട്ടുബാങ്കുമാണെന്ന് തെളിഞ്ഞെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. കന്യാസ്ത്രീകളുടെ വിഷയം വന്നപ്പോള്‍ കോണ്‍ഗ്രസും കമ്യൂണിസ്റ്റും ബിജെപിയും ഛത്തീസ്ഗഡിലേക്ക് കത്തിച്ചുവിടുകയായിരുന്നു. ശിവഗിരി മഠത്തിനു നേരെ അതിക്രമമുണ്ടായപ്പോള്‍ ഒരാളേയും കണ്ടില്ല. മതം പ്രസംഗിച്ചവര്‍ കേമന്മാരും മതേതരത്വം പ്രസംഗിച്ചവര്‍ തൊഴിലുറപ്പുകാരുമായെന്നും മതംപറഞ്ഞവര്‍ സംഘടിതരും വോട്ടുബാങ്കുമാണെന്ന് തെളിഞ്ഞുവെന്നും വെള്ളാപ്പള്ളി പറഞ്ഞു. ചെങ്ങന്നൂര്‍ യൂണിയന്‍ സംഘടിപ്പിച്ച ശാഖാ നേതൃസംഗമം ഉദ്ഘാടനം ചെയ്യാനെത്തിയതായിരുന്നു വെള്ളാപ്പള്ളി. രാജ്യത്ത് ക്രൈസ്തവര്‍ രണ്ടര …