News

കോഴിക്കോട്: സംസ്ഥാനത്ത് നിന്ന് കഴിഞ്ഞ രണ്ട് വര്‍ഷത്തിനിടെ മോഷണം പോയ ഫോണുകള്‍ പ്രവര്‍ത്തന രഹിതമാക്കി ടെലികോം മന്ത്രാലയം. നഷ്ടപ്പെട്ടതായി പരാതി ലഭിച്ച 57,511 മൊബൈല്‍ ഫോണുകളാണ് ബ്ലോക്ക് ചെയ്തത്. കേന്ദ്ര ടെലികോം മന്ത്രാലയത്തിന്റെ സെന്‍ട്രല്‍ എക്യുപ്‌മെന്റ് ഐഡന്റിറ്റി പോര്‍ട്ടര്‍ (സി.ഇ.ഐ.ആര്‍) ഉപയോഗിച്ചാണ് നടപടി. 37,228 ഫോണുകളുടെ ലൊക്കേഷനുകള്‍ തിരിച്ചറിഞ്ഞ് തുടരന്വേഷണം നടക്കുന്നുണ്ട്. ഇതില്‍ 9268 ഫോണുകള്‍ ഉടമകള്‍ക്ക് തിരിച്ചു നല്‍കാനും സാധിച്ചു. എന്നാല്‍ 11,015 ഫോണുകളെ കുറിച്ച് വിവരങ്ങള്‍ ലഭിച്ചിട്ടില്ല. …

തിരുവനന്തപുരം: രാഹുല്‍ മാങ്കൂട്ടത്തിലിനെതിരെ നിയമനടപടികളുമായി മുന്നോട്ട് പോകാന്‍ താല്‍പര്യമില്ലെന്ന് ആരോപണമുന്നയിച്ച യുവതികള്‍. നേരത്തേ പറഞ്ഞ കാര്യങ്ങളില്‍ ഉറച്ചുനില്‍ക്കുന്നുണ്ടെങ്കിലും കേസുമായി മുന്നോട്ട് പോകാന്‍ തയ്യാറല്ലെന്നാണ് യുവ നടി ഉള്‍പ്പെടെയുള്ളവര്‍ പോലീസിനെ അറിയിച്ചത്. കേസന്വേഷിക്കുന്ന ക്രൈംബ്രാഞ്ച് യുവതികളുടെ മൊഴി രേഖപ്പെടുത്തിയിട്ടുണ്ട്. രാഹുല്‍ ഗര്‍ഭഛിത്രത്തിന് നിര്‍ബന്ധിച്ചെന്ന യുവതിയുടെ വെളിപ്പെടുത്തലുമായി ബന്ധപ്പെട്ടും ക്രൈംബ്രാഞ്ച് അന്വേഷണം നടക്കുന്നുണ്ട്. നിയമനടപടിക്ക് ഇവര്‍ക്കും താല്‍പര്യമില്ലെന്നാണ് റിപ്പോര്‍ട്ടുകള്‍.    

  സമൂഹമാധ്യമങ്ങൾ നിരോധിച്ചതിനെതിരെ വിദ്യാർഥികളും യുവതീയുവാക്കളും കാഠ്മണ്ഡുവിൽ തെരുവിലിറങ്ങിയതോടയാണ് വെടിവെയ്പും സർക്കാരിന്റെ രാജിയുമുണ്ടായത്. പൊലീസ് വെടിവെയ്പിൽ 20 പേർ കൊല്ലപ്പെട്ടിരുന്നു. തുടർന്നായിരുന്നു പ്രധാനമന്ത്രി കെ പി ശർമ ഓലി രാജി വെച്ചത്. സൈനിക ഹെലികോപ്ടറിൽ ഇദ്ദേഹം രാജ്യം വിച്ചുവെന്ന വാർത്തകളാണ് പ്രചരിക്കുന്നത്. അദ്ദേഹം ചികിത്സക്കായി ദുബായിലേക്ക് പോയെന്നും പറയപ്പെടുന്നു. അതല്ല പ്രധാനമന്ത്രിയുടെ വസതിയിൽ തു‌‌ടരുകയാണെന്നും സ്ഥിരീകരിക്കാത്ത റിപ്പോർട്ടുകളുണ്ട്. GENZ എന്ന ബാനറുയർത്തിയാണ് സമരക്കാർ തെരുവിലിറങ്ങിയത്. മനുഷ്യാവകാശസംഘടനകളെയും മാധ്യമങ്ങളെയും വരുതിയിലാക്കാനാണ് സർക്കാർ …

വൈക്കം: ഗുഡ്‌സ് ട്രെയിനിന്റെ മുകളില്‍ കയറിയ വിദ്യാര്‍ത്ഥിക്ക് പൊള്ളലേറ്റു. വൈക്കം റോഡ് റെയില്‍വേ സ്‌റ്റേഷനില്‍ നിര്‍ത്തിയിട്ടിരുന്ന പെട്രോള്‍ കയറ്റിവന്ന ഗുഡ്‌സ് ട്രെയിനില്‍ അതിക്രമിച്ചു കടന്നപ്പോള്‍ ഇലക്ട്രിക് ലൈനില്‍ മുട്ടിയാണ് അപകടമുണ്ടായത്. കടുത്തുരുത്തി ഗവ.പോളി ടെക്‌നിക്കില്‍ രണ്ടാം വര്‍ഷ കംപ്യൂട്ടര്‍ എഞ്ചിനീയറിങ് വിദ്യാര്‍ത്ഥി അദ്വൈത് (17)നാണ് ഗുരുതരമായി പൊള്ളലേറ്റത്. ഒ.എച്ച്.ഇ ലൈനില്‍ നിന്ന് ഷോക്കേറ്റതിനെ തുടര്‍ന്ന് ശരീരത്തിലും വസ്ത്രത്തിലും തീപിടിക്കുകയായിരുന്നു. നാട്ടുകാര്‍ ചേര്‍ന്ന് തീ തല്ലിക്കെടുത്തിയാണ് അദ്വൈതിനെ ആശുപത്രിയില്‍ എത്തിച്ചത്. വിദ്യാര്‍ത്ഥിയെ കോട്ടയം …

ന്യൂഡല്‍ഹി: രാജ്യത്തിന്റെ 15-ാമത് ഉപരാഷ്ട്രപതിയായി എന്‍.ഡി.എ സ്ഥാനാര്‍ത്ഥി സി പി രാധാകൃഷ്ണനെ തിരഞ്ഞെടുത്തു. 767 വോട്ടില്‍ 454 വോട്ട് നേടിയാണ് സി.പി രാധാകൃഷ്ണന്റെ വിജയം. ഉപരാഷ്ട്രപതി സ്ഥാനത്ത് നിന്ന് ജഗദീപ് ധന്‍കര്‍ രാജിവച്ചതിനെ തുടര്‍ന്നാണ് ഉപതിരഞ്ഞെടുപ്പ് വേണ്ടിവന്നത്. പദവിയില്‍ രണ്ടുവര്‍ഷം കൂടി ബാക്കി നില്‍ക്കെയായിരുന്നു ജഗദീപ് ധന്‍കറിന്റെ അപ്രതീക്ഷിത രാജി. രഹസ്യ ബാലറ്റ് അടിസ്ഥാനത്തിലാണ് വോട്ടെടുപ്പ് നടന്നത്. സുപ്രീം കോടതിയില്‍ നിന്ന് വിരമിച്ച ജസ്റ്റിസ് ബി സുദര്‍ശന്‍ റെഡ്ഡിയായിരുന്നു ഇന്ത്യ …

കാഠ്മണ്ഡു: സാമൂഹിക മാധ്യമങ്ങളിലേര്‍പ്പെടുത്തിയിരുന്ന നിരോധനം പിന്‍വലിച്ചിട്ടും അയവില്ലാതെ നേപ്പാളിലെ ജന്‍ സി പ്രക്ഷോഭം. പ്രധാനമന്ത്രി രാജി വയ്ക്കും വരെ സമരത്തില്‍ നിന്നും പിന്നോട്ടില്ലെന്ന നിലപാടില്‍ ഉറച്ചുനില്‍ക്കുകയാണ് പ്രക്ഷോഭകര്‍. പ്രതിഷേധക്കാര്‍ മന്ത്രിമാരുടെ വീടുകള്‍ക്ക് തീയിടുകയും വ്യാപകമായ നാശനഷ്ടങ്ങളും വരുത്തിയിട്ടുണ്ട്. ഇതുവരെയുള്ള സംഘര്‍ഷത്തില്‍ 19 പേര്‍ കൊല്ലപ്പെടുകയും ചെയ്തിട്ടുണ്ട്. 400 ഓളം പേര്‍ക്ക് പരിക്കേറ്റിട്ടുള്ളതായാണ് പ്രാഥമിക കണക്കുകള്‍. പ്രക്ഷോഭത്തെ തുടര്‍ന്ന് ഇന്നലെ രാത്രിയോടെയാണ് സാമൂഹിക മാധ്യമ നിയന്ത്രണം പിന്‍വലിച്ചത്. മുന്‍ പ്രധാനമന്ത്രി പുഷ്പ …

കോഴിക്കോട്: ഓണക്കാലത്ത് 12 ദിവസം കൊണ്ട് കേരളം കുടിച്ചു തീര്‍ത്തത് 970.74 കോടിയുടെ മദ്യം. കഴിഞ്ഞ വര്‍ഷത്തേക്കാള്‍ 9.34 ശതമാനം വര്‍ദ്ധനവാണ് രേഖപ്പെടുത്തിയത്. കഴിഞ്ഞ ഓണക്കാലത്ത് ഇത് 824.07 കോടിയായിരുന്നു. അത്തം മുതല്‍ മൂന്നാം ഓണം വരെയുള്ള കണക്കാണിത്. അവിട്ടം ദിനത്തില്‍ മാത്രം 94.36 കോടിയുടെ മദ്യമാണ് വിറ്റത്. ഒന്നാം ഓണത്തിന് 137.64 കോടിയുടെ മദ്യം വിറ്റു. ഓണത്തിന്റെ ആദ്യ ദിവസങ്ങളില്‍ മദ്യവില്‍പ്പനയില്‍ കുറവുണ്ടായെങ്കിലും തുടര്‍ന്നുള്ള ദിവസങ്ങളില്‍ വില്‍പ്പന തകൃതിയായി. …

തിരുവനന്തപുരം: കഴിഞ്ഞ 13 വര്‍ഷത്തിനിടെ പോലീസിന്റെ പരാതി പരിഹാര അതോറിറ്റിയില്‍ പോലീസുകാര്‍ക്കെതിരായി ലഭിച്ച പരാതികള്‍ 5218 എണ്ണം. പോലീസിന്റെ ഭാഗത്തുനിന്നുള്ള മര്‍ദ്ദനം, കസ്റ്റഡി മര്‍ദ്ദനം ഉള്‍പ്പെടെയുള്ള കുറ്റകൃത്യങ്ങളാണ് അതോറിറ്റി പരിഗണിക്കുന്നത്. ഗൗരവമേറിയ കേസുകള്‍ സംസ്ഥാന അതോറിറ്റികളിലാണ് പരിശോധിക്കുക. ഏറ്റവും കൂടുതല്‍ പരാതികള്‍ ലഭിച്ചത് 2017 ലാണ്. 808 എണ്ണം. ഏറ്റവും കുറവ് 2014 ലാണ്. 94 എണ്ണം. 2015ല്‍ ഇതുവരെ 45 പരാതികള്‍ ലഭിച്ചു. ഇതുവരെ ലഭിച്ച പരാതികളില്‍ 66 …

കെ പി സി സി വൈസ് പ്രസിഡന്റ് എന്ന നിലയിൽ നിരവധി ചുമതലകളുണ്ട്. അതിലൊന്നാണ് സമൂഹമാധ്യമചുമതല. ഇതിലേക്ക് കൂടുതൽ സമയം കണ്ടെത്താനാവാത്തതിന്റെ പരിമിതി മാസങ്ങൾക്ക് മുന്നേ നേത്ൃത്വത്തെ അറിയിച്ചതാണ്. എന്നാൽ ഇപ്പോഴും ആ സ്ഥാനത്ത് തുടരുകയാണെന്ന് ബൽറാം ഫെയ്സ് ബുക്ക് പോസ്റ്റിൽ വിശദീകരിച്ചു. പോസ്റ്റിൽ പറയുന്നത്.മന്ത്രിമാരായ എം ബി രാജേഷും ശിവൻകുട്ടിയും ഇക്കാര്യത്തിൽ ആവേശം കാണിച്ച് ഇളിഭ്യരാവേണ്ട. തിരഞ്ഞെടുപ്പുകളു‌ടെയും കെ പി സി സി പുനസംഘ‌ടനയുടെയും ഭാ​ഗമായി മാധ്യമവിഭാ​ഗത്തിലും അഴിച്ചുപണികൾ …

വയനാട്: വിദ്യാര്‍ത്ഥിക്ക് സ്‌കൂളില്‍ നിന്ന് നായയുടെ കടിയേറ്റു. പനമരം ഗവണ്‍മെന്റ് എല്‍.പി സ്‌കൂളിലെ മൂന്നാംക്ലാസ് വിദ്യാര്‍ത്ഥിക്കാണ് സ്‌കൂളില്‍ പ്രസവിച്ചു കിടന്ന നായയുടെ കടിയേറ്റത്. രാവിലെ സ്‌കൂള്‍ തുറന്നപ്പോള്‍ നായയുടെ സാന്നിധ്യം ശ്രദ്ധയില്‍പ്പെട്ട അധികൃതര്‍ നായയെ സ്‌കൂളില്‍ നിന്ന് ഓടിച്ചിരുന്നു. എന്നാല്‍ തിരിച്ചുവന്ന നായ കുട്ടിയെ കടിക്കുകയായിരുന്നു. മുട്ടിന് താഴേക്കാണ് കുട്ടിക്ക് പരിക്കേറ്റത്. സ്‌കൂളില്‍ ഉപയോഗിക്കാതെ കിടന്ന വലിയ വാഷ്‌ബേസിലാണ് നായ പ്രസവിച്ചു കിടന്നത്. ശുചിമുറിയിലേക്ക് പോകുന്നതിനിടെയാണ് കുട്ടിക്ക് കടിയേറ്റത്.