DeToor reflective wanderings…
Related Articles
കോഴിക്കോട്: പഞ്ചായത്തിൻ്റെ മാലിന്യ പ്ലാന്റിൽ നിന്നും മാലിന്യങ്ങൾ പുഴയിലേക്ക് ഒഴുക്കിവിടുന്നത് ചിത്രീകരിച്ച മാധ്യമപ്രവർത്തകർക്ക് നേരെ ആക്രമണം. വടകര ഏറാമല പഞ്ചായത്തിലെ മാലിന്യ പ്ലാന്‍റിലേക്ക് മാലിന്യം ശേഖരിക്കുന്ന വാഹനത്തിൻ്റെ ഡ്രൈവർ ആണ് മാധ്യമ പ്രവർത്തകരെ ആക്രമിച്ചത്. ഓൺലൈൻ മാധ്യമ പ്രവർത്തകരായ അക്ഷയ്, ആര്യ രവീന്ദ്രൻ എന്നിവരാണ് ആക്രമണത്തിന് ഇരയായത്. പരിക്കേറ്റ ഇരുവരും ഓർക്കാട്ടേരി പ്രാഥമികാരോഗ്യ കേന്ദ്രത്തിൽ ചികിത്സ തേടി.
സംഭവത്തിൽ വാഹനത്തിന്‍റെ ഡ്രൈവർ ജിനീഷിനെതിരെ എടച്ചേരി പോലീസ് കേസെടുത്തിട്ടുണ്ട്. മാധ്യമപ്രവര്‍ത്തകരുടെ പരാതിയിലാണ് പോലീസ് നടപടി. മാലിന്യ പ്ലാന്റിൽ നിന്ന് സമീപത്തെ പുഴയിലേക്ക് മാലിന്യം ഒഴുക്കിയെന്ന പരാതിയിൽ ഇരുവരും സ്ഥലത്തെത്തി വീഡിയോ ചിത്രീകരിക്കുകയായിരുന്നു. ഇതിനിടെയാണ് ആക്രമണമുണ്ടായത്.
Comments
