ടൊറന്റോ ചലച്ചിത്രോത്സവത്തിലേക്ക് 17 ഇന്ത്യൻ സിനിമകൾ, മലയാളത്തിൽ നിന്ന് കുഞ്ഞില

ഈ മാസത്തെ ഉത്സവത്തിൽ റെക്കോഡ് എണ്ണം ഏഷ്യൻ സിനിമകളാണ് തിരഞ്ഞെടുക്കപ്പെട്ടത്. 17. ഇതിൽ എട്ടെണ്ണവും ഇന്ത്യയിൽ നിന്നാണ്. ​ഗാന്ഡിജിയുടെ പേരിലുള്ള ഒരു സീരീസുമടക്കമാണിത്. കഴിഞ്ഞ വർഷം 11 ഏഷ്യൻ സിനിമകളായിരുന്നു ഫെസ്റ്റിവലിനെത്തിയത്. ‌‍‍‌‌‍8000 എൻട്രികളിൽ നിന്നാണ് ഇവ തിരഞ്ഞെടുക്കപ്പെ‌‌ട്ടത്. ചലച്ചിത്രോത്സവത്തിന്റെ അൻപതാമത് വർഷമാണിത്. ഓസ്‍ക്കാർ , ​ഗോൾഡൻ ​​ഗ്ളോബ് മത്സരങ്ങളിലേക്ക് തിരഞ്ഞെ‌ടുക്കപ്പെടുന്നതിന്റെ ആദ്യപ‌‌ടിയായാണ് ഈ ഫെസ്റ്റിവലിനെ കാണുന്നത്. പായൽ കപാ‍ഡിയയു‌ടെ ഓൾ വി ഇമാജിൻ ആസ് ലൈറ്റ്സും രാജ് മൗലവിയുടെ ആർ ആർ ആറും ക‌‌ഴിഞ്ഞ വർഷം ടൊറൻ്റോ വഴിയാണ് ഓസ്ക്കാറിനെത്തിയത്. വാണിജ്യസിനിമകളുടെ പ്രദർശനവും വിപണിയും ഉറപ്പാക്കുന്നുവെന്ന പ്രത്യേകതയും ടൊറന്റോയിലുണ്ട്. ഫെസ്റ്റിവലിലെ ഡയറക്‌ടേഴസ് ലാ​ബിലേക്കാണ് മലയാളി കുഞ്ഞില മാസ്സിലാമണി തിരഞ്ഞെടുക്കപ്പെ‌ട്ടത്. നിർമാണം പുരോ​ഗമിക്കുന്ന ​ഗുപ്തം എന്ന സിനിമയാണ് കുഞ്ഞിലയെ പ്രശസ്തിയു‌ടെ വെള്ളിവെളിച്ചത്തിലേക്ക് മാറ്റിനിറുത്തുന്നത്. ജിയോ ബേബി, പായൽ കപാഡിയ, റിച്ചാ ചദ്ദ ,അലി ഫൈസൽ എന്നിവരാണ് സിനിമയുടെ നിർമാതാക്കൾ. കൊൽക്കത്തയിലെ സത്യജിത് റേ ഫിലിം ആന്റ് ടെലിവിഷൻ ഇൻസ്ററിറ്റ്യൂട്ടിൽ നിന്നാണ് കുഞ്ഞില പഠിച്ചിറങ്ങിയത്.