DeToor reflective wanderings…
Related Articles
കോഴിക്കോട്: താമരശ്ശേരിയില് അമീബിക് മസ്തിഷ്ക ജ്വരം ബാധിച്ച് മരിച്ച 9കാരിയുടെ സഹോദരനും രോഗലക്ഷണം. ഏഴ് വയസ്സുള്ള കുട്ടിയെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. കുട്ടിക്ക് പനിയും ശര്ദ്ദിയും അനുഭവപ്പെട്ടതിനെ തുടര്ന്നാണ് മെഡിക്കല് കോളജിലേക്ക് മാറ്റിയത്. സ്രവ സാമ്പിളുകള് പരിശോധനയ്ക്ക് അയച്ചിട്ടുണ്ട്.
അതേസമയം അമീബിക് മസ്തിഷ്ക ജ്വരം ബാധിച്ച് മെഡിക്കല് കോളജില് ചികിത്സയില് കഴിയുന്ന മൂന്നുമാസം പ്രായമുള്ള കുഞ്ഞിന്റെ നില അതീവ ഗുരുതരമായി തുടരുകയാണ്. രണ്ടാഴ്ചയിലേറെയായി കുഞ്ഞ് വെന്റിലേറ്ററിലാണ്. ഓമശ്ശേരിയിലെ സ്വകാര്യ ആശുപത്രിയില് നിന്നാണ് കുഞ്ഞിനെ കോഴിക്കോട് മെഡിക്കല് കോളജിലേക്ക് മാറ്റിയത്.
ഇതേ രോഗബാധ മൂലം അന്നശ്ശേരി സ്വദേശിയായ യുവാവും മെഡിക്കല് കോളജില് ചികിത്സയിലുണ്ട്. അടുത്തടുത്ത ദിവസങ്ങളില് ജില്ലയില് രോഗബാധ സ്ഥിരീകരിച്ച പശ്ചാത്തലത്തില് ആരോഗ്യവകുപ്പ് മുന്കരുതല് നടപടികള് ആരംഭിച്ചിട്ടുണ്ട്.
