DeToor reflective wanderings…
Related Articles
കണ്ണൂര്‍: അമിത ലാഭം ലഭിക്കുമെന്ന പ്രലോഭനത്തില്‍ വീണ ഡോക്ടര്‍ ദമ്പതികള്‍ക്ക് നഷ്ടപ്പെട്ടത് 4 കോടി 43 ലക്ഷം രൂപ. വ്യാജ ഷെയര്‍ ട്രേഡിങ് ആപ്പ് ഉപയോഗിച്ചായിരുന്നു തട്ടിപ്പ്. പ്രതികളെ കണ്ണൂര്‍ സൈബര്‍ പോലീസ് അറസ്റ്റു ചെയ്തിട്ടുണ്ട്. തമിഴ്‌നാട് കാഞ്ചിപുരം സ്വദേശി മെഹബൂബും എറണാകുളം സ്വദേശി റിജാസുമാണ് പിടിയിലായത്. ഇരുവരെയും ചെന്നൈയില്‍ നിന്നാണ് പിടികൂടിയത്.
2 മാസം മുന്‍പാണ് അമിത ലാഭം കിട്ടുമെന്ന വാഗ്ദാനവുമായി മട്ടന്നൂര്‍ സ്വദേശികളായ ഡോക്ടര്‍ ദമ്പതികളെ ഒരു സംഘം സമീപിക്കുന്നത്. ട്രേഡിങ് രംഗത്ത് പ്രവര്‍ത്തിക്കുന്ന അംഗീകൃത പ്ലാറ്റ്‌ഫോമായ അപ്‌സ്റ്റോക്കിന്റെ വ്യാജ പതിപ്പുമായാണ് പ്രതികള്‍ സമീപിച്ചത്. സ്റ്റോക്ക് പകുതി വിലക്ക് ലഭിക്കുമെന്ന് പറഞ്ഞായിരുന്നു തട്ടിപ്പ്. ഭര്‍ത്താവിന്റെയും ഭാര്യയുടേയും മൂന്ന് ബാങ്ക് അക്കൗണ്ടുകളില്‍ നിന്ന് പ്രതികളുടെ 20 അക്കൗണ്ടുകളിലേക്ക് 4 കോടി 43 ലക്ഷം മാറ്റുകയായിരുന്നു. പിന്നീട് 7 കോടിയോളം ആവശ്യപ്പെട്ടതോടെയാണ് ഡോക്ടര്‍ ദമ്പതികള്‍ക്ക് സംശയം തോന്നിയത്. തുടര്‍ന്ന് പോലീസില്‍ പരാതി നല്‍കുകയായിരുന്നു. തട്ടിപ്പ് സംഘത്തിലെ മറ്റു പ്രതികള്‍ക്കായി പൊലീസ് അന്വേഷണം ഊര്‍ജിതമാക്കിയിട്ടുണ്ട്. െ
